Atvinnu�r�unarf�lag Su�urlands - www.sudur.is - fr�ttir

�tak til atvinnusk�punar - Ums�knarfrestur til 21. september

Thu, 24 Dec 2009 13:29:00 +0100

Sjá nánar á hér á heimasíðu Impru

Styrkur fyrir fj�rlaga�ri� 2011. Ums�knarfrestur til 15. september

Wed, 23 Dec 2009 09:08:00 +0100

Fjárlaganefnd Alþingis veitir nú eins og undanfarin ár viðtöku erindum frá félögum, samtökum og einstaklingum sem varða fjárlög ársins 2011. Umsóknarfrestur fyrir fjárlagaárið 2011 er til 15. september 2010.

Undirritað frumrit umsóknar ásamt fylgiskjölum sendist fjárlaganefnd Alþingis, Austurstræti 8-10A, 150 Reykjavík fyrir lok tilskilins frests, sjá nánar vefsíðu fjárlaganefndar. Ekki er tekið við umsóknum í tölvupósti.

Umsækjendum er gefinn kostur á að fylgja erindum sínum eftir á nefndarfundi og skal beiðni þar um send á netfangið aro@althingi.is . Um viðtalstíma fer eftir nánari ákvörðun nefndarinnar.

Framtak � landsbygg�inni. Ums�knarfrestur til 15. september

Wed, 23 Dec 2009 08:51:00 +0100

Ertu með hugmynd að nýrri vöru eða þjónustu?

Framtak veitir starfandi fyrirtækjum á landsbyggðinni styrki til að þróa nýjar vörur og þjónustu.

Markmið verkefnisins er að hvetja til þróunar og nýsköpunar hjá starfandi fyrirtækjum á landsbyggðinni og veita faglega og fjárhagslega aðstoð við nýsköpun og þróun.

Styrkir geta að hámarki numið 50% af heildarkostnaði verkefnisins. Ekki eru veittir styrkir til fjárfestina s.s. í tækjum og búnaði.

Í umsókn þarf að koma fram:

1) Skýr lýsing á verkefninu í heild og ætluðum árangri.

2) Lýsing á nýnæmi verkefnisins og á hvaða hátt verkefnið er frábrugðið þeim lausnum sem eru á markaði í dag.

3) Yirlit yfir innlenda samkeppni ef um er að ræða.

4) Áætlun yfir kostnað.

Nánari upplýsingar og rafræn umsóknareyðublöð eru á vefslóðinni www.nmi/impra.is

Einnig má senda beiðni um upplýsingar og aðstoð á netfangið sigurdurs@nmi.is

Næsti umsóknarfrestur er til 15. september n.k.

Starfsmenn AÞS geta aðstoðað áhugasama aðila við gerð umsókna

Sjá auglýsingu með að smella hér

N� �rr��i fyrir n�sk�punarfyrirt�ki - Skattafr�dr�ttur. Ums�knarfrestur til 1. september

Wed, 23 Dec 2009 08:39:00 +0100

Fyrirtæki sem vilja nýta sér ný úrræði sem fela í sér skattfrádrátt vegna rannsóknar- og þróunarkostnaðar og skattafslátt til fjárfesta þurfa að sækja um staðfestingu hjá Rannís sem viðurkennd nýsköpunarfyrirtæki fyrir 1. september.

Um er að ræða úrræði sem samþykkt voru með lögum í desember 2009 og ætlað er að bæta samkeppnisskilyrði nýsköpunarfyrirtækja. Annars vegar verður viðurkenndum nýsköpunarfyrirtækjum veittur réttur til skattfrádráttar vegna kostnaðar við rannsóknar-og þróunarstarf í nýsköpunarverkefnum. Hins vegar er hvatt til fjárfestinga í viðurkenndum nýsköpunarfyrirtækjum gegn skattafslætti til fjárfesta.

Fyrirtæki í öllum atvinnugreinum geta sótt um og fengið staðfestingu sem nýsköpunarfyrirtæki, að uppfylltum skilyrðum laganna. Lykilatriði í skilgreiningu laganna á „nýsköpunarfyrirtæki" er að geta sýnt fram á að á tveimur af síðustu þremur árum hafi rannsóknar-og þróunarkostnaður numið meira en 1,5% af rekstrartekjum, eða -kostnaði, eftir því hvor fjárhæðin er hærri, eða að varið hafi verið a.m.k. 40 milljónum króna til rannsókna og þróunarstarfs á ári undanfarin tvö ár.

Í umsókn er um tvo kosti að velja. Annars vegar staðfesting sem leiðir til skattfrádráttar vegna rannsókna- og þróunarkostnaðar samkvæmt 5. grein laganna, og hins vegar heimild vegna hlutafjáraukningar sem veitir heimild til skattafsláttar fjárfesta samkvæmt 6. grein laganna. Sami umsækjandi getur sótt um hvort tveggja.

Skattfrádráttur miðast við hvert verkefni og er stofn til útreiknings að hámarki 50 m. kr. fyrir verkefni (75 m. kr. með samstarfi við háskóla, rannsóknastofnanir eða aðra viðurkennda aðila). Skattfrádráttur nemur 15% af stofni til útreiknings, þ.e. að hámarki 7,5 m. kr. miðað við hámarksheimild. Skattfrádráttur (endurgreiðsla) er óháður því hvort fyrirtækið greiðir skatt eða ekki. Hvert fyrirtæki getur verið með fleiri en eitt verkefni á sama tíma, en sækja verður um hvert verkefni sérstaklega.

Skattafsláttur til fjárfesta vegna hlutabréfakaupa miðast við fjárfestingu á hverju ári að verðmæti keyptra hlutabréfa umfram verðmæti seldra í sams konar félögum, að hámarki 300.000 kr. hjá einstaklingi og 600.000 kr. hjá hjónum. Sams konar heimild er veitt hlutafélögum og einkahlutafélögum með fjárfestingu að fjárfestingu að hámarki 15.000.000 kr. á hverju ári.

Nánari upplýsingar á vef Rannís

Lög um stuðning við nýsköpunarfyrirtæki

Lög um breytingu á lögum um tekjuskatt

NATA augl�sir eftir styrkums�knum. Ums�knarfrestur til 4. september.

Wed, 16 Dec 2009 09:32:00 +0100

Auglýst hefur verið eftir umsóknum í styrki frá NATA, North Atlantic Tourist Association. Um er að ræða samning Íslands, Færeyja og Grænlands um samstarf landanna þriggja í ferðamálum.

Allir sem áhuga hafa á bættum samskiptum á sviði ferðamála milli landanna þriggja geta leitað eftir aðstoð við að fjármagna verkefni, hugmyndir, ferðir eða því um líkt. Umsóknir skulu fela í sér samstarf milli tveggja af löndunum þremur hið minnsta.

Sækja má um aðstoð á eftirfarandi sviðum:

Þróun ferða

Siglingar, þemaferðir, stuttar heimsóknir (shortbreak) o.s.frv.

Markaðssetning í ferðaþjónustu og greining sóknartækifæra

Alþjóðleg átaksverkefni á sviði ferðaþjónustu.

Menntun

Faglegar námsferðir, menntun á sviði ferðamála,

dvöl til að kynna sér aðstæður.

Allar umsóknir skulu vera á þar til gerðum eyðublöðum. Sem fylgiskjöl með umsókninni skal leggja fram nákvæma útlistun á verkefni, svo og fjárhagsáætlun. Umsóknir skulu vera á dönsku eða

ensku og sendast til:

NATA c/o

Ferðamálastofa

Geirsgata 9,

101 Reykjavík

Lokafrestur til að senda umsóknir er til 4. september 2010

Umsóknareyðublað:

-Hægrismellið á tenglana hér fyrir neðan og veljið "Save Target As" til að vista umsóknareyðublöðin á eigin tölvu.

• Umsóknareyðublað á ensku (Word)

• Umdóknareyðublað á dönsku (Word)

Fyrirspurnir varðandi vinnslu umsóknar sendist til:

sigrun@icetourist.is

NATA er samstarfssamningur ferðamálaráðuneyta í Færeyjum, á Grænlandi og á Íslandi. Markmið samningsins er að auka skilvirkni í samstarfi aðila er sinna ferðamálum í Færeyjum, á Grænlandi og á Íslandi með því að styrkja, samhæfa og tryggja framboð samvinnuverkefna aðildarlandanna á þeim sviðum ferðamála þar sem þau eiga einkum sameiginlegra hagsmuna að gæta.

Stj�rn Vina Vatnaj�kuls augl�sir eftir ums�knum um styrki. Ums�knarfrestur til 29. september

Wed, 16 Dec 2009 09:29:00 +0100

Vinir Vatnajökuls styrkja rannsóknir, kynningar- og fræðslustarf sem stuðlar að því að sem flestir geti notið náttúru og sögu Vatnajökulsþjóðgarðs. Auglýst hefur verið eftir styrkumsóknum samkvæmt nánari upplýsingum sem lesa má hér fyrir neðan.

Samtökin vilja setja í forgang verkefni sem stuðla að:

• Aukinni þekkingu almennings á náttúru og sögu Vatnajökulsþjóðgarðs

• Samspili byggðarlaga innan þjóðgarðsins

• Aukinni fræðslu og rannsóknum í Vatnajökulsþjóðgarði og grenndarsamfélagi hans

• Samspili útivistar, menningar og Vatnajökulsþjóðgarðs

• Tengslum barna og unglinga við náttúruna

• Auknum skilningi umheimsins á mikilvægi Vatnajökulsþjóðgarðs og einstakri náttúru hans á heimsvísu

• Eflingu samkenndar um mikilvægi Vatnajökulsþjóðgarðs fyrir nærliggjandi byggðir og alla landsmenn

• Sjálfbærri ferðaþjónustu

Samtökin styrkja ekki:

• Almennan rekstrarkostnað stofnana, félaga eða fyrirtækja

• Einstaklinga vegna greiðslu skólagjalda, námsdvala eða skólaferðalaga

Þeir sem geta sótt um styrki eru:

Einstaklingar, samtök/tengslanet og bæði einkareknar og opinberar stofnanir. Umsækjendur mega búa hvort heldur er innan eða utan Íslands.

Þegar fleiri en einn aðili standa að verkefni, er það umsjónaraðili verkefnisins sem sækir um styrkinn, ekki einstakir aðilar að verkefninu.

Lögð er áhersla á að umsóknir og fylgigögn með þeim berist VINUM Vatnajökuls áður en umsóknarfrestur rennur út. Að öðrum kosti eru þær ekki teknar til umfjöllunar. Gert er ráð fyrir að umsóknir hljóti afgreiðslu fagráðs VINA Vatnajökuls innan tíu vikna frá auglýstum skilafresti.

Umsóknum skal skila á vefsíðu VINANNA: www.vinirvatnajökuls.is þar sem allar nánari upplýsingar er að finna.

Umsóknarfrestur rennur út miðvikudaginn 29. september 2010.

Sumarfr� - lokun skrifstofa. 12. j�l� til 9. �g�st

Fri, 02 Jul 2010 11:42:00 +0100

Skrifstofur Atvinnuþróunarfélags Suðurlands verða lokaðar frá og með 12. júlí til 9. ágúst vegna sumarleyfa starfsmanna. Gleðilegt sumar!

�j��h�t��arsj��ur - Ums�knarfrestur er til og me� 31. �g�st

Mon, 21 Jun 2010 09:20:00 +0100

Þjóðhátíðarsjóður auglýsir eftir síðustu umsóknum um styrki úr sjóðnum árið 2010 vegna ársins 2011.

Þjóðhátíðarsjóður, sem starfar samkvæmt skipulagsskrá nr. 361 frá 30. september 1977 með áorðnum breytingum, var stofnaður í tilefni af 1100 ára búsetu á Íslandi 1974.

Tilgangur sjóðsins er: að veita styrki til stofnana og annarra aðila, er hafa það verkefni að vinna að varðveislu og vernd þeirra verðmæta lands og menningar, sem núverandi kynslóð hefur tekið í arf.

Við það skal miðað, að styrkir úr sjóðnum verði viðbótarframlög til þeirra verkefna, sem styrkt eru, en verði ekki til þess að lækka önnur opinber framlög til þeirra eða draga úr stuðningi annarra við þau. Á síðasta ári veitti sjóðurinn 65 styrki samtals að fjárhæð 33,9 m.kr.

Þetta er síðasta almenna úthlutun sjóðsins sem verður að fjárhæð samtals um 34 m.kr. Að henni lokinni lýkur úthlutunum sjóðsins, sbr. skipulagsskrá.

Umsóknir

Einungis verður tekið við umsóknum á þar til gerðum eyðublöðum. Þau má finna á vefsíðu Seðlabanka Íslands hér. Enn fremur má nálgast eyðublöð í afgreiðslu Seðlabankans, Kalkofnsvegi 1, Reykjavík.

Umsóknarfrestur er til og með 31. ágúst 2010 og er stefnt að því að úthlutað verði úr sjóðnum 1. desember 2010 með athöfn í Þjóðmenningarhúsinu. Umsóknir skal senda Þjóðhátíðarsjóði, Seðlabanka Íslands, Kalkofnsvegi 1, 150 Reykjavík.

Nánari upplýsingar eru veittar í símum 569 9628 og 569 9781 eða á netfanginu: thjodhatidarsjodur@sedlabanki.is .

Stjórn Þjóðhátíðarsjóðs

Landeyjah�fn. kynningar- og umr��ufundur � Hvolsvelli. Heimam�nnum umhugsa� um sm�b�taa�st��u.

Fri, 11 Jun 2010 13:08:00 +0100

Í gær, fimmtudaginn 10. júní kl. 20:30 var haldinn kynningar- og umræðufundur í félagsheimilinu Hvoli á Hvolsvelli. Umræðuefni fundarins var Landeyjahöfn og málefni tengd henni - staða framkvæmda, framtíðarhorfur, tækifæri , o.fl. Að fundinum stóðu Atvinnuþróunarfélag Suðurlands og Sveitarfélagið Rangárþing eystra.

Fundurinn var mjög vel sóttur en um 80 manns mættu á fundinn. Fundurinn var öllum opinn. 7 framsögumenn héldu erindi á fundinum. Eftir framsögur var tekið við fyrirspurnum úr sal, góðar umræður sköpuðust. Helsta umræðuefni heimamanna sneri að smábátaaðstöðu sem væntingar eru um að muni koma í Landeyjahöfn. Ísólfur Gylfi Pálmason, tilvonandi sveitarstjóri Rangárþings eystra lokaði síðan fundinum. Fundinum lauk um kl. 23:00

1. Gísli Viggósson, Siglingastofnun – Framgangur framkvæmda. Glærur

2. Sigurður Áss Grétarsson, Siglingastofnun – Verklegar framkvæmdir. Glærur

3. Guðmundur Nikulásson, Eimskip – Skipið, þjónustan og flutningar. Glærur

4. Kristín Sigurbjörnsdóttir, Vegagerðin – Fjöldi ferða, gjaldskrá o.fl. Glærur

5. Friðrik Pálsson, Hótel Rangá – Ferðaþjónustan. Glærur

6. Elvar Eyvindsson, Sveitarfélagið Rangárþing eystra – Nýir nágrannar, ný tækifæri. Glærur

7. Hrafn Sævaldsson, Atvinnuþróunarfélag Suðurlands – Nýir nágrannar, ný tækifæri. Glærur

Styrkir vegna starfsmenntunar 2010. Ums�knarfrestur til 15. �g�st

Wed, 09 Jun 2010 09:15:00 +0100

Starfsmenntaráð auglýsir eftir umsóknum um styrki vegna starfsmenntunar í atvinnulífinu, sbr. lög nr. 19/1992 um starfsmenntun í atvinnulífinu. Til úthlutunar eru um 55 milljónir króna. Eingöngu er tekið við umsóknum á rafrænu formi.

Starfsmenntaráð hvetur umsækjendur til að sækja um verkefni sem falla undir eftirfarandi áherslur:

Flokkur A - Nýsköpunarverkefni

Fræðsluverkefni sem stuðla að atvinnusköpun og fela í sér nýsköpun og þróun. Kostur er að um samstarf ólíkra aðila sé að ræða, t.d. frumkvöðla, framleiðenda og seljenda. Umsækjendur geta verið samstarfsklasar, félög og fyrirtæki og aðrir sem stunda sprotastarf.

Flokkur B - Þróunarverkefni til að vinna að neikvæðum áhrifum kreppunnar

Þróunarverkefni á sviði fræðslu, ráðgjafar eða þjálfunar sem miða að því að vinna gegn neikvæðum áhrifum breytinga í kjölfar efnahagskreppu s.s. vegna breytinga á störfum, stöðu einstaklinga á vinnumarkaði og á starfsemi fyrirtækja og stofnana. Niðurstöður verkefna verða að hafa almenna skírskotun og geta yfirfærst á önnur svið.

Gerð er krafa um samstarf við samtök atvinnurekenda og launafólks við gerð og framkvæmd viðkomandi verkefnis.

Áhersla er lögð á að öll verkefni sem sótt er um styrk til séu vel undirbúin og umsóknir vandaðar.

Umsóknarfrestur er til 15. ágúst 2010

Markmiðin sem Starfsmenntaráð gengur út frá við val á verkefnum eru að:

• verkefnin nái til sem flestra

• verkefnin mæti sýnilegri þörf á endurmenntun

• verkefnin séu unnin í samvinnu ólíkra aðila.

------------------

• Verkefni sem styrkt eru skulu framkvæmd næsta skólaár á eftir úthlutun.

• 75% af styrk er greitt út við úthlutun og 25% við lokauppgjör.

Rétt til að sækja um styrk eiga:

Samtök atvinnurekenda og launafólks, einstök fyrirtæki, einkaaðilar eða opinberir aðilar sem standa fyrir starfsmenntun í atvinnulífinu, starfsgreinaráð einstakra atvinnugreina og samstarfsverkefni á vegum tveggja eða fleiri framangreindra aðila. Umsóknir frá skólum koma aðeins til greina þegar um er að ræða samstarf við framangreinda aðila, einn eða fleiri.

Uppgjör vegna styrkveitinga

Uppgjörum fyrir veitta styrki ber að skila eigi síðar en 12 mánuðum eftir styrkveitingu á þar til gerðum eyðublöðum. Ef uppgjör liggur ekki fyrir innan 12 mánaða ber að skila inn greinargerð yfir stöðu verkefnisins til Starfsmenntaráðs. Ráðinu er heimilt að veita frest til að skila inn lokauppgjöri, þó aldrei lengur en til næstu áramóta þar á eftir.

Sérstök athygli er vakin á ákvæðum höfundarréttarsamnings sem Starfsmenntaráð og styrkþegi gera sín á milli sem heimilar aðgang og afnot Starfsmenntaráðs af efni sem hlotið hefur styrk.

Sjá nánar hér

Fyrstu �thlutun loki� hj� Vaxtarsamningi Su�urlands (VSS)

Mon, 07 Jun 2010 17:05:00 +0100

Í apríl 2010 auglýsti Vaxtarsamningur Suðurlands eftir umsóknum vegna styrkja til uppbyggingar klasa og framgang rannsóknar og þróunar á sviði matvæla, ferðaþjónustu og iðnaðar á Suðurlandi. Óskað var eftir umsóknum frá klösum eða/og samstarfsverkefnum sem tengjast nýsköpun með skýrri verðmætasköpun. Í boði voru 20 milljónir. Umsóknafrestur var til og með 10. maí 2010

Á öðrum fundi verkefnisstjórnar samningsins þann 1. júní 2010, var tekin ákvörðun um að styrkja 11 verkefni af þeim 22 sem sent höfðu inn umsókn. Heildarupphæð úthlutaðra styrkja var 19,1 mkr.

1. Aukin arðsemi hrognavinnslu með aukinni skynjara- og upplýsingatækni, 3,0 mkr.

2. Margmiðlunartorg, 2,5 mkr.

3. Hlývatnseldi á hvítfiski, 1,1 mkr.

4. Vetrarferðir í Skaftárhrepp, 2,5 mkr.

5. Ríki Vatnajökuls, 3,0 mkr.

6. Smáframleiðsla matvæla í Ríki Vatnajökuls, 1,5 mkr.

7. Átaksverkefni HfSu í Uppsveitum Árnessýslu – Matvælasmiðja, 2,0 mkr.

8. Fuglar á Suðurlandi, 2,0 mkr.

9. Nýting jarðgufu við framleiðslu á soðum og bragðkjörnum, 500 þús.kr.

10. Framleiðsla á lúpínuseyði, 500 þús. kr.

11. Þróun sjálfbærrar ferðaþjónustu í grannbyggðum Vatnajökulsþjóðgarðs á Suðurlandi, 500 þús. kr.

Næsta úthlutun

Stefnt er að auglýsa eftir nýjum umsóknum þann 9. september 2010, með umsóknarfrest til 15. október 2010. 15 mkr. verða þá til úthlutunar. Nánara fyrirkomulag verður auglýst síðar.

Nánari upplýsingar um samninginn, fundargerðir o.fl. er á heimasíðu Atvinnuþróunarfélags Suðurlands og Vaxtarsamnings Suðurlands: http://sudur.is/sidur/2010-2013-samningur2

Kynningar- og umr��ufundur um Landeyjah�fn og m�lefni tengd henni .

Mon, 07 Jun 2010 15:30:00 +0100

Auglýsing á pdf hér

22 ums�knir b�rust til Vaxtarsamnings Su�urlands

Mon, 17 May 2010 16:13:00 +0100

Umsóknarfrestur til Vaxtarsamnings Suðurlands er liðinn. 22 umsóknir bárust að þessu sinni og eru 20 mkr. til úthlutunar. Heildarupphæð styrkbeiðna var rúmlega 66 mkr., þ.a.l. var meðaltals upphæð umsókna rúmlega 3,0 mkr.

Starfsfólk Atvinnuþróunarfélags Suðurlands er nú að fara yfir umsóknir og meta þær. Það mun síðan skila tillögum sínum til verkefnisstjórnar samningsins sem síðan tekur ákvörðun um úthlutun. Niðurstaða ætti að liggi fyrir í byrjun júní.

Rann�s - Ranns�knasj��ur. Ums�knarfrestur til 1. j�n�

Fri, 07 May 2010 10:15:00 +0100

Samkeppnish�fni og sj�lfb�rni fer�a�j�nustu � Evr�pu . Ums�knarfrestur til 21. ma�

Wed, 05 May 2010 14:27:00 +0100

Umsóknarfrestur í "Networks for the Competitiveness and sustainability of European tourism", hefur verið auglýstur til 21.maí 2010.

Markmiðið með þessu verkefni er að:

Auka samkeppnishæfni lítilla og meðalstórra fyrirtækja innan ferðaiðnaðarins.
Styðja við samstarfsnet, svæðisbundið og á milli svæða.
Miðla þekkingu til fyrirtækja um góða viðskiptahætti sem og að stuðla að aukinni nýsköpun innan þessa geira

Umsækjendur geta t.d. verið samtök sveitafélaga, verlsunarráð, eða aðrar opinberar stofnanir sem styðja LMF innan ferðaiðnaðarins. Athuga þarf að EES lönd mega sækja um en ekki er úthlutað fjármagni til þeirra tilnefningu.

Sjá nánar hér.

Vinsamlega athugið að starfsfólk Enterprise Europe Network getur aðstoðað við að finna samstarfsaðila.

Frekari upplýsingar gefur:

Amanda Garner

Verkefnastjóri Evrópuverkefna | Project Manager Enterprise Europe Network

Evrópumiðstöð Impru á Nýsköpunarmiðstöð Íslands | Innovation Center Iceland

Keldnaholti – 112 Reykjavík

Sími – Tel: 354 522 9000 | 354 522 9268

Bréfasími | Fax: 354 522 9111

www.nmi.is | www.een.is

Sumarst�rf � bo�i AVS. Ums�knarfrestur til 17. ma�

Wed, 05 May 2010 09:15:00 +0100

AVS rannsóknasjóður í sjávaraútvegi býður nú styrki til að fyrirtæki geti ráðið nýtt starfsfólk til starfa í sumar i afmörkuð verkefni.

Þeir sem sótt geta um eru:

1. Fyrirtæki sem eru með afmörkuð rannsókna- og þróunarverkefni t.d. verkefni styrkt af AVS eða átaksverkefni .

2. Fólk sem ekki hefur vinnu í sumar getur sótt um til sjóðsins í afmörkuð verkefni í samvinnu við fyrirtæki og stofnanir.

Kröfur til verkefnanna eru að þau stuðli að auknum verðmætum sjávarfangs. Umsækjendur verða að skila inn umsóknum til sjóðsins þar sem gerð er grein fyrir starfinu, samstarfsaðilum, markmiði þess, áætluðum afrakstri og stuttri verk-og kostnaðaráætlun. Í lok starfsins verður að gera grein fyrir framvindu og ávinningi.

Þetta er tilvalið fyrir fyrirtæki sem þurfa á starfsmanni að halda tímabundið til að vinna að nýsköpun og þróun, einnig gæti fyrirtæki nýtt sér sérfræðiþekkingu sumarstarfsfólksins til sérstakra verkefna sem efla og styrkja starfsemi fyrirtækisins.

Nemendur eða fólk með sérfræðiþekkingu, sem ekki sér fram á sumarvinnu getur leitað til fyrirtækja eða stofnanna með eigin hugmyndir um samstarf.

Styrkirnir verða greiddir út til fyrirtækja, og er miðað við að greiða laun og launatengd gjöld í tvo mánuði. Sumarstarfsmaður og fyrirtækin verða að semja um launin og skal miðað við reynslu og menntun viðkomandi.

Í upphafi ráðningatíma verður 80% upphæðarinnar greidd út til fyrirtækisins, sem sér síðan um launagreiðslur. Eftirstöðvar styrksins verða greiddar þegar fyrirtæki eða starfsmaður hefur skilað til sjóðsins stuttri greinargerð um framvindu og ávinning verkefnisins.

Umsóknafrestur er til mánudagsins 17. maí n.k. umsókn skal senda á avs@avs.is fyrir kl. 17:00 þann dag.

Umsóknareyðublað

N�mssj��ur Sigr��ar J�nsd�ttur ? Ums�knir um styrki 2010. Ums�knarfrestur til 17. ma�.

Sun, 25 Apr 2010 21:07:00 +0100

Styrkir eru veittir til öryrja til hagnýts náms, bóklegs eða verklegs, svo og til náms í hvers konar listgreinum

Einnig er heimilt að styrkja þá sem vilja hæfasig til starfa í þágu þroskaheftra

Umsóknum skal skilað til Öryrkjabandalags Íslands, hátúni 10, Reykjavík fyrir 17. maí n.k.

Nánari upplýsingar gefur Guðríður Ólafsdóttir í síma 5306700

Styrkjum verður úthlutað 8. júní.

Stjórna Námssjóðs Sigríðar Jónsdóttur

Styrkir og ��knanir Hag�enkis 2010. Ums�knarfrestur til og me� 29. apr�l

Sun, 25 Apr 2010 20:54:00 +0100

Starfsstyrkir til ritstarfa

Óskað er eftir umsóknum um starfsstyrki Hagþenkis vegna ritstarfa árið 2010. Til úthlutunar eru 12.000.000.- kr.

Starfsstyrkir vegna gerðar fræðslu- og heimildarmynda

Til úthlutunar eru 900.000.- kr.

Þóknanir vegna ljósritunar, stafrænnar fjölföldunar o. fl.

Óskað er eftir umsóknum um þóknanir vegna ljósritunar úr fræðiritum og kennslugögnum í skólum og öðrum stofnunum hins opinbera, skólaárin 2007–2009, vegna stafrænnar fjölföldunar í háskólum og vegna blaðagreina eftir félaga í Hagþenki sem kunna að hafa verið notaðar af IMG-Fjölmiðlavaktinni ehf. árið 2009. Til úthlutunar eru 4.500.000.- kr.

Þóknanir til rétthafa á fræðslu- og heimildarmyndum

Hér með er auglýst eftir umsóknum handritshöfunda, sem eru rétthafar á fræðslu- og heimildarmyndum og – þáttum sem sýnd voru í sjónvarpi árin 2007–2009 um þóknanir sem Hagþenkir greiðir í framhaldi af gerðardómi um skiptingu tekna Innheimtumiðstöðvar gjalda af myndböndum og myndbandstækjum. Til úthlutunar eru allt að 100.000.- kr.

Ferða- og menntunarstyrkir 2010 – fyrri úthlutun

Óskað er eftir umsóknum um ferða- og menntunarstyrki Hagþenkis vegna fyrri úthlutunar 2010. Rétt til að sækja hafa þeir sem hafa verið félagar í Hagþenki í eitt ár og eru skuldlausir við félagið. Heimilt er að sækja um vegna ferða sem hafa verið farnar. Í haust verður verður auglýst aftur eftir umsóknum vegna síðari úthlutunar. Til úthlutunar eru 2.500.000.- kr

Umsóknarfrestur er til og með 29. apríl

Sækja skal um þóknanir og starfsstyrki á þar til gerðum eyðublöðum á heimasíðu félagsins, www.hagthenkir.is .

Umsækjendur fá rafræna staðfestingu um að umsókn hafi borist. Á heimasíðunni er einnig að finna allar upplýsingar og úthlutunarreglur. Fylgiskjöl með umsóknum um styrki til ritstarfa skal senda til skrifstofu félagsins og sækja aftur fyrir 15. september næstkomandi, en eftir það verður þeim eytt.

Styrkjam�guleikar: Vistv�n n�sk�pun, b�ttar framlei�slua�fer�ir - kynningarfundur 23. apr�l

Tue, 20 Apr 2010 13:36:00 +0100

Föstudaginn 23. apríl verður Enterprise Europe Network á Íslandi ( Impra á Nýsköpunarmiðstöð Íslands ) með kynningarfund um evrópsk verkefni sem ganga út á nýja tækni, vörur eða framleiðsluaðferðir í atvinnugreinum þar sem umtalsverðir möguleikar eru á betrumbótum, t.d. í matar- og drykkjarframleiðslu, endurvinnslu og byggingariðnaði.

Áhersla er lögð á verkefni sem komin eru á markaðsfærslustig þ.e. tækni, vöru eða framleiðsluaðferðir sem sýnt hefur verið fram á að virki tæknilega en ekki búið að koma í notkun á markaðinum enn sem komið er. Verkefnin skulu ennfremur miða að því að minnka umhverfisáhrif eða betrumbæta frammistöðu fyrirtækja í umhverfismálum.

Sjá nánar: http://www.een.is/frettir/nr/997

Fundurinn verður haldinn hjá Nýsköpunarmiðstöð Íslands - Keldnaholti 23. apríl 2010 - kl. 9.00-11.00.

Við hvetjum ykkur til að mæta á fundinn. Vinsamlegast skráið þátttöku á netfangið amanda@nmi.is .

Allar frekari upplýsingar er hægt að fá hjá Amöndu Garner í síma 522 9268.

Styrkir �r t�nlistarsj��i - Ums�knarfrestur til 17. ma�

Wed, 14 Apr 2010 08:49:00 +0100

Mennta- og menningarmálaráðuneyti auglýsir eftir umsóknum um styrki úr tónlistarsjóði, samkvæmt lögum um tónlistarsjóð nr. 76/2004 sbr. og reglur nr. 125/2005, til verkefna sem efnt verður til á tímabilinu júní til ársloka 2010. Næst verður auglýst eftir umsóknum í október 2010 vegna verkefna á fyrri hluta árs 2011 .

Hlutverk tónlistarsjóðs er að efla íslenska tónlist og stuðla að kynningu á íslenskum tónlistarmönnum og tónsköpun þeirra. Sjóðurinn skiptist í tvær deildir, tónlistardeild og markaðs- og kynningardeild. Nánari upplýsingar um hlutverk sjóðsins, úthlutunarreglur, umsóknir og mat á þeim eru á vef mennta- og menningarmálaráðuneytisins.

Lögð er áhersla á að umsóknir og fylgigögn með þeim berist mennta- og menningarmálaráðuneyti áður en umsóknarfrestur rennur út. Að öðrum kosti eru þær ekki teknar til umfjöllunar. Minnt er á að styrkþegar úr fyrri úthlutunum þurfa að hafa skilað inn greinargerð vegna þeirra verkefna áður en nýjar umsóknir eru teknar til umfjöllunar.

Gert er ráð fyrir að umsóknir hljóti afgreiðslu tónlistarráðs innan tíu vikna frá auglýstum skilafresti. Við mat á umsóknum er m.a. tekið tillit til listræns gildis og mikilvægis verkefnis fyrir almenna tónlistarstarfsemi og eflingu íslenskrar tónlistar, gildi og mikilvægis verkefnis fyrir kynningu og markaðssetningu íslenskrar tónlistar, starfsferils, faglegs og/eða listræns bakgrunns umsækjanda og fjárhagsgrundvallar verkefnisins.

Umsóknum skal skila á þar til gerðum eyðublöðum sem fást í mennta- og menningarmálaráðuneyti eða á vef þess hérna

Umsóknir skulu vera í þríriti og öll eintök undirrituð.

Umsóknarfrestur rennur út mánudaginn 17 . maí 2010.

Umsóknir skal senda á póstfangið:

Mennta- og menningarmálaráðuneyti,

tónlistarsjóður,

Sölvhólsgötu 4, 150 Reykjavík.