Atvinnu�r�unarf�lag Su�urlands - www.sudur.is - fr�ttir

Styrkir til eflingar starfsmenntunar 2012-2013. Ums�knarfrestur til 27. ma�

Sun, 06 May 2012 00:19:00 +0100

Mennta- og menningarmálaráðuneyti auglýsir eftir umsóknum um styrki til að efla starfsmenntun samkvæmt ákvörðun ríkisstjórnarinnar um átakið Nám er vinnandi vegur. Styrkjunum er ætlað að efla starfstengt nám á framhalds- og háskólastigi og í framhaldsfræðslu. Til úthlutunar eru 240 milljónir króna. Veittir verða styrkir til verkefna í eftirfarandi málaflokkum.

1. Hagnýting og þróun stuttra starfsnámsbrauta á framhaldsskólastigi í ólíkum starfsgreinaflokkum eða starfssviðum. Styrkir verða veittir bæði til endurskoðunar/hagnýtingar á fyrirliggjandi námsbraut eða til þróunar nýrrar. Forgangs njóta þau verkefni sem byggja á samstarfi milli framhaldsskóla, framhaldsfræðsluaðila og atvinnulífs. Einnig er æskilegt að brautirnar séu byggðar upp í anda grunnþátta aðalnámskrár og styðji við nýsköpun.

2. Þróun sérhæfðs námsframboðs til þess að byggja ofan á færni og þekkingu til starfa á nýjum sviðum, t.d. frá einni starfsgrein til annarrar, og fyrir hópa með sérþarfir.

3. Þróun námsbrauta í starfsnámi á 4. þrepi viðmiðaramma aðalnámskrár framhaldsskóla. Brautirnar skulu annað hvort vera skipulagðar sem sjálfstætt framhaldsnám við starfsnám eða sem brú milli námsloka í starfsnámi/listnámi inn á tilheyrandi fræðasvið á háskólastigi þar sem gert er ráð fyrir að einingar komi til styttingar á tilteknu námi á háskólastigi. Skilyrði er sett um samstarf viðurkenndra framhaldsskóla, háskóla og fyrirtækja eða stofnana.

4. Greining á þörf mismunandi hópa, landssvæða eða greina atvinnulífs fyrir starfsmenntun.

Vinna við styrkt verkefni skal fara fram skólaárið 2012-2013. Verkefnin skulu vera raunhæf og í takt við stefnu nýrra laga um menntamál. Við uppbyggingu námsbrauta verður að hafa hliðsjón af viðeigandi lögum og námskrám. Miðað er við að styrkja sem flesta starfsgreinaflokka/starfssvið og er gert ráð fyrir að hámarksstyrkur sé kr. 2.000.000 á námsbraut. Afurðir verkefna verða birtar í námskrárgrunni og á vef eftir því sem við á.

Sótt er um á umsóknareyðublöðum á vef ráðuneytisins.

Umsóknir sendist mennta- og menningarmálaráðuneytinu, Sölvhólsgötu 4, 150 Reykjavík eða á netfangið postur@mrn.is

Umsóknarfrestur til 27. maí 2012.

AVS sj��urinn, � samvinnu vi� sj�var�tvegs- og landb�na�arr��uneyti�, b��ur fram styrki til ...

Sun, 06 May 2012 00:14:00 +0100

Auglýsingu, sem birt var í dagblöðum laugardaginn 21. apríl s.l. má sjá hér.

Þeir sem sótt geta um eru:

1. Fyrirtæki sem eru með afmörkuð rannsókna- og þróunarverkefni t.d. verkefni styrkt af AVS eða átaksverkefni .

2. Fólk sem ekki hefur vinnu í sumar getur sótt um til sjóðsins í afmörkuð verkefni í samvinnu við fyrirtæki og stofnanir.

Kröfur til verkefnanna eru að þau stuðli að auknum verðmætum sjávarfangs. Umsækjendur verða að skila inn umsóknum til sjóðsins þar sem gerð er grein fyrir starfinu, samstarfsaðilum, markmiði þess, áætluðum afrakstri og stuttri verk-og kostnaðaráætlun. Í lok starfsins verður að gera grein fyrir framvindu og ávinningi.

Þetta er tilvalið fyrir fyrirtæki sem þurfa á starfsmanni að halda tímabundið til að vinna að nýsköpun og þróun, einnig gæti fyrirtæki nýtt sér sérfræðiþekkingu sumarstarfsfólksins til sérstakra verkefna sem efla og styrkja starfsemi fyrirtækisins.

Nemendur eða fólk með sérfræðiþekkingu, sem ekki sér fram á sumarvinnu getur leitað til fyrirtækja eða stofnanna með eigin hugmyndir um samstarf.

Styrkirnir verða greiddir út til fyrirtækja, og er miðað við að greiða laun og launatengd gjöld í tvo mánuði. Sumarstarfsmaður og fyrirtækin verða að semja um launin og skal miðað við reynslu og menntun viðkomandi.

Í upphafi ráðningatíma verður 70% upphæðarinnar greidd út til fyrirtækisins, sem sér síðan um launagreiðslur. Eftirstöðvar styrksins verða greiddar þegar fyrirtæki eða starfsmaður hefur skilað til sjóðsins stuttri greinargerð um framvindu og ávinning verkefnisins.

Umsóknafrestur er til mánudagsins 7. maí n.k. umsókn skal senda á avs@avs .isfyrir kl. 17:00 þann dag.

Umsóknareyðublað.

Menningarr�� Su�urlands augl�sir stofn- og rekstrarstyrki til menningarm�la. ...

Sun, 06 May 2012 00:08:00 +0100

(styrkir sem Alþingi veitti áður)

Tilgangur styrkjanna er að stuðla að því að efla starfsemi á sviði lista, safna og menningararfs.

Styrkveitingarnar miðast við árið 2012.

Umsóknarfrestur rennur út sunnudaginn 13. maí 2012

Umsóknareyðublað og úthlutunarreglur er að finna á heimasíðu Menningarráðs Suðurlands www.sunnanmenning.is

Nánari upplýsingar veitir menningarfulltrúi Suðurlands Dorothee Lubecki í síma 896-7511 eða á menning@sudurland.is

5 mkr. �thlutun A�S. Styrkir til atvinnu�r�unar. 12 verkefni fengu styrki

Sun, 06 May 2012 00:02:00 +0100

Á fundi sínum þann 2. maí s.l. úthlutaði stjórn Atvinnuþróunarfélags Suðurlands 5 milljónum í styrki til atvinnuþróunar á starfssvæði sínu en auglýst var eftir umsóknum um styrki í mars og apríl. Alls bárust 21 umsókn til félagsins að þessu sinni og óskað var eftir 18,4 milljónum í framlag. Hæsta styrkbeiðnin hljóðaði upp á 5,4 milljónir

Til úthlutunar voru 5 milljónir og að þessu sinni voru 12 verkefni styrkt en þau eru eftirtalin:

1. Gönguferðir í Skaftárhreppi: 400.000

2. Eldi á Botnlægum sjávartegundum í SustainCycle TM: 650.000

3. Gönguleiðir í Ásahreppi og Rangárþingi ytra: 450.000

4. Gerðu þér grein: 300.000

5. Áframvinnsla á Grænkáli: 400.000

6. Svandís Kandís / Vöruþróun og markaðssetning: 400.000

7. Vinnsla á hrognum úr villtum laxi: 600.000

8. Matarsamfélag Árnesþings: 500.000

9. Aðstoð til Markaðsmála Sveitagrills : 100.000

10. Smiðjan: 500.000

11. Rabarbía - vöruþróun,markaðssetningu: 300.000

12. Flandur: 400.000

Atvinnuþróunarfélagið þakkar öllum sem sendu inn umsóknir og óskar styrkþegum velfarnaðar með verkefnin sín.

Umhverfisstyrkir Landsbankans. Ums�knarfrestur til 30. apr�l

Wed, 25 Apr 2012 11:28:00 +0100

Umhverfisstyrkjunum er ætlað að styðja við verkefni á sviði umhverfismála og náttúruverndar. Styrkir til umhverfismála byggja á stefnu bankans um samfélagslega ábyrgð hans og skyldur.

Sérstök dómnefnd skipuð þremur fagaðilum og tveimur sérfræðingum bankans fer yfir umsóknirnar og er umsóknarferlið gagnsætt og faglegt. Heildarupphæð styrkja nemur 5.000.000 kr. og veittar verða í tveimur þrepum.

» 500.000 kr.

» 250.000 kr.

Verkefni sem einkum koma til greina eru:

» Verkefni á sviði náttúruverndar, t.a.m. skógrækt, landgræðsla og hreinsun landsvæða.

» Verkefni er tengjast rannsóknum á náttúrugæðum.

» Verkefni er styðja betra aðgengi fólks að náttúru landsins.

» Verkefni er nýtast til verndar landsvæðum, t.d. vegna ágangs búfénaðar eða ferðamanna.

» Verkefni er auka þekkingu og vitund almennings á umhverfismálum.

» Verkefni er hvetja til umhverfisvæns hátternis.

Umsóknarfrestur er til 30. apríl 2012.

Styrkþegar fyrri ára

Styrkþegar umhverfisstyrkja Landsbankans 2011

9 verkefni hlutu styrk fr� Vaxtarsamningi Su�urlands n� � vikunni

Wed, 25 Apr 2012 11:09:00 +0100

Vaxtarsamningur Suðurlands auglýsti í mars og apríl 2012 eftir umsóknum um styrk til uppbyggingar klasa og framgang rannsóknar og þróunar á sviði matvæla, ferðaþjónustu og iðnaðar á Suðurlandi.

Óskað var eftir umsóknum um samstarfsverkefni í það minnsta þriggja fyrirtækja sem tengjast nýsköpun með skýrri verðmætasköpun. Starfsvæði Vaxtarsamnings Suðurlands markast af Hellisheiði í vestri og eystri mörkum Sveitarfélagsins Hornafjarðar.

Gerð var krafa til þess að verkefnin styðji atvinnulíf og samfélag svæðisins.

Í boði voru 30 milljónir. Mótframlag verkefnisins þurfti að vera að lágmarki 50%. Verkefni þar sem fyrirtæki og stofnanir koma saman og vinna að rannsóknum, þróun og fræðslu nutu alla jafna forgangs. Að auki var horft til þess að verkefnið skili ábata og störfum út í samfélagið.

Í umsókninni átti að koma fram lýsing á verkefninu, skýr útlistun á nýnæmi hugmyndarinnar og ætluðum ávinningi ásamt kostnaðar- fjármögnunar- og tímaáætlun. Ekki var veittur styrkur til fjárfestinga.

Umsóknafrestur var til og með 12. apríl 2012

15 umsóknir bárust. Fundur verkefnisstjórnar samningsins þann 23. apríl 2012 tók ákvörðun um styrkúthlutanir. 9 verkefni hlutu styrk að fjárhæð 23.350.000 kr. 6 umsóknum var hafnað. 6.675.000 kr. var ekki úthlutað af þeim 30 mkr. sem í boði voru.

Eftirtalin verkefni hlutu styrk:

1) Ferðamiðstöð í Þorlákshöfn: 3.000.000 kr.

2) Njálurefill: 1.325.000 kr.

3) Lausfryst grænmeti: 2.000.000 kr.

4) Sjálfbær sauðfjárrækt í Skaftárhreppi: 2.800.000 kr.

5) Ostagerð í Öræfum: 1.000.000 kr.

6) Upplits viðburðir og gagnagrunnur: 900.000 kr.

7) Staðlað þolpróf fyrir íslenska hestinn: 4.800.000 kr.

8) Hjólaferðamennska á Suðurlandi: 6.000.000 kr.

9) Roðsnakk: 1.500.000 kr.

Fundarger�ir nr. 8 og 9 hj� verkefnisstj�rn Vaxtarsamnings Su�urlands komnar � neti�

Wed, 25 Apr 2012 11:06:00 +0100

Fundargerðir nr. 8 og 9 hjá verkefnisstjórn Vaxtarsamnings Suðurlands eru nú komnar á netið. Hægt er að smella á fundargerðirnar til að skoða þær.

Ranns�knasj��ur - styrk�ri� 2013. Ums�knarfrestur er til 1. j�n�

Wed, 25 Apr 2012 10:57:00 +0100

Auglýst er eftir umsóknum í Rannsóknasjóð fyrir styrkárið 2013. Umsóknarfrestur er til 1. júní 2012 (kl. 17:00).

Veittir verða tvenns konar styrkir:

- Öndvegisstyrkir

- Verkefnastyrkir

Styrkirnir eru veittir til allt að þriggja ára í senn.

Allar umsóknir og umsóknagögn skulu vera á ensku. Allar umsóknir eru rafrænar og sótt eru um í gegnum umsóknarkerfi Rannís. Ekki er tekið við umsóknum á öðru formi.

Allar nánari upplýsingar og umsóknagögn má nálgast hér.

Ranns�knarsj��ur Sigr�nar �str�sar Sigur�ard�ttur og Haralds Sigur�ssonar. ...

Wed, 25 Apr 2012 10:55:00 +0100

Auglýst er eftir umsóknum um styrki úr Rannsóknarsjóði Sigrúnar Ástrósar Sigurðardóttur og Haralds Sigurðssonar. Umsóknarfrestur er til 30. apríl 2012

Markmið sjóðsins er að efla rannsóknir á korta- og landfræðisögu Íslands og íslenskri bókfræði og stuðla að útgáfu rita um þau efni. Úthlutun miðast við faglegt mat á gæðum rannsóknarverkefnis, færni og reynslu umsækjanda til að stunda rannsóknir og aðstöðu hans til að sinna verkefninu. Sjóðurinn er í vörslu Rannsóknamiðstöðvar Íslands (Rannís).

Umsóknarfrestur er til 30. apríl 2012

Reglur og umsóknareyðublað er að finna hér.

Vaxtarsamningur Su�urlands (VSS) ? ums�knarfrestur li�inn. 15 ums�knir b�rust

Tue, 17 Apr 2012 17:20:00 +0100

Umsóknarfrestur til Vaxtarsamnings Suðurlands er nú liðinn. Alls bárust 15 umsóknir að þessu sinni. 30 mkr. eru til úthlutunar. Kostnaðaráætlun allra verkefna hljóðaði upp á 122,3 mkr. Meðalkostnaður verkefna er 8,1 mkr. Óskað var eftir 55,4 mkr. í mótframlagi frá VSS. Meðaltals upphæð styrkbeiðna er 3,7 mkr. Hlutfall styrkbeiðna af heildarkostnaði er 54,2 %. Hlutfall styrksupphæðar á móti heildarkostnaði er 24,5%. Mótframlag umsækjenda er skilgreint 70,6 mkr. Hæsta kostnaðaráætlunin hljóðar upp á 17.9 mkr. Hæsta styrkbeiðnin hljóðar upp á 7,0 mkr. Lægsta kostnaðaráætlunin hljóðar upp á 1,9 mkr. Lægsta styrkbeiðnin hljóðar upp á 0,9 mkr.

Verkefnisstjórn VSS mun í næstu viku taka ákvörðun hvað umsóknir verða styrkar. Í framhaldinu munu umsækjendur verða látnir vita um niðurstöðu sinna umsókna.

Nánari upplýsingar um VSS er að finna hér á heimasíðu AÞS

��r�ur Freyr Sigur�sson, n�r starfsma�ur Atvinnu�r�unarf�lags Su�urlands

Tue, 17 Apr 2012 17:17:00 +0100

Nýr ráðgjafi og verkefnastjóri hefur verið ráðinn til starfa hjá hjá Atvinnuþróunarfélagi Suðurlands (AÞS), Þórður Freyr Sigurðsson. Hann kemur inn í starfslið AÞS við brotthvarf Sædísar Ívu Elíasdóttur fyrrverandi framkvæmdastjóra AÞS. Steingerður Hreinsdóttir hefur verið ráðin til ársloka til að sinna störfum framkvæmdastjóra AÞS. Þórður er ráðinn til sama tíma.

Þórður Freyr er viðskiptafræðingur frá Háskólanum á Bifröst og hefur starfað sem viðskipta- og rekstrarráðgjafi síðan árið 2008 hjá Skyggni ehf. í Reykjavík. Hann hefur einnig komið að kennslu við Háskóla Íslands, Endurmenntun HÍ og á námskeiðum í gerð viðskiptaáætlana á síðast liðnum árum. Starfsstöð Þórðar er á Selfossi.

Hann útskrifaðist sem viðskiptafræðingur frá Bifröst árið 2007 ásamt því að hafa stundað nám á stefnumótunarbraut við Háskólann í Kristianstad í Svíþjóð. Þórður Freyr hefur einnig stundað nám við Háskóla Íslands til meistaragráðu í stjórnun og stefnumótun.

Þórður Freyr er úr Rangárvallasýslunni, fæddur árið 1982 og er í sambúð Margréti Jónu Ísólfsdóttur. Saman eiga þau þriggja ára dóttur. Þau hyggjast flytja aftur á heimaslóðir á Hvolsvelli.

Fjórir starfsmenn starfa hjá Atvinnuþróunarfélagi Suðurlands sem er með höfuðstöðvar á Selfossi og starfsstöð í Vestmannaeyjum. Starfssvæði félagsins nær yfir Suðurland frá Lómagnúp í austri að Hellisheiði í vestri ásamt Vestmannaeyjum.

Markmið félagsins er að efla og örva atvinnulíf á Suðurlandi með ráðgjöf og styrkjum til einstaklinga, fyrirtækja, félagasamtaka, sveitarfélaga og annarra hagsmunaaðila. Félagið er einnig umsjónaraðili með Vaxtarsamningi Suðurlands.

Atvinnu�r�unarf�lag Su�urlands birtir hagv�sa fyrir Su�urland � vefsv��i s�nu

Thu, 12 Apr 2012 13:10:00 +0100

Atvinnuþróunarfélag Suðurlands hefur í nokkurn tíma safnað saman tölulegum gögnum um margvíslega þætti sem snúa að Suðurlandi. Hefur verkefnið gengið undir nafninu Hagvísar Suðurlands. Síðustu misseri hefur Atvinnuþróunarfélag Suðurlands í samstarfi við DataMarket unnið að því að birta hluta hagvísanna á myndrænu formi til þess að auðvelda áhugasömum að skoða gögnin í mismunandi samhengi.

Afrakstur þessarar vinnu má finna hér á vefsvæði Atvinnuþróunarfélags Suðurlands.

Undir síðunni Hagvísar má finna tölulegar upplýsingar á myndrænu formi um vinnumarkað á Suðurlandi, meðalverð húsnæðis, mannfjölda og breytingar á honum, fjölbreytilegt menningarstarf og framboð og eftirspurn eftir ferðaþjónustu á Suðurlandi. Við hverja mynd er tengill sem færir notandann yfir á vefsvæði DataMarket þar sem hægt er að skoða gögnin nánar út frá mismunandi forsendum.

Það er von Atvinnuþróunarfélags Suðurlands að þessar upplýsingar verði til gagns og gamans og auðveldi íbúum Suðurlands og öðrum áhugasömum að fá betri yfirsýn yfir mannlíf, menningu og atvinnulíf á Suðurlandi. Með tímanum verða fleiri upplýsingar birtar á vefsvæði Atvinnuþróunarfélags Suðurlands sem geta gefið glögga mynd af mannlífi, innviðum sveitarfélaga og atvinnulífi á Suðurlandi. Smelltu á tengilin hér fyrir neðan til þess að skoða hagvísa Suðurlands

Hagvísar Suðurlands

Styrkir �r t�nlistarsj��i. Ums�knarfrestur til 7. ma�

Mon, 09 Apr 2012 10:34:00 +0100

Mennta- og menningarmálaráðuneyti auglýsir eftir umsóknum um styrki úr tónlistarsjóði, samkvæmt lögum um tónlistarsjóð nr. 76/2004 sbr. og reglur nr. 125/2005, til verkefna sem efnt verður til á tímabilinu júní til ársloka 2012. Næst verður auglýst eftir umsóknum í október 2012 vegna verkefna á fyrri hluta árs 2013 .

Hlutverk tónlistarsjóðs er að efla íslenska tónlist og stuðla að kynningu á íslenskum tónlistarmönnum og tónsköpun þeirra. Sjóðurinn skiptist í tvær deildir, tónlistardeild og markaðs- og kynningardeild. Nánari upplýsingar um hlutverk sjóðsins, úthlutunarreglur, umsóknir og mat á þeim eru á vef mennta- og menningarmálaráðuneytisins.

Öll tilskilin fylgigögn þurfa að berast með umsókn. Að öðrum kosti eru umsóknir ekki teknar til umfjöllunar.

Minnt er á að styrkþegar úr fyrri úthlutunum þurfa að hafa skilað inn greinargerð vegna þeirra verkefna áður en nýjar umsóknir eru teknar til umfjöllunar.

Gert er ráð fyrir að umsóknir hljóti afgreiðslu tónlistarráðs innan tíu vikna frá auglýstum skilafresti. Við mat á umsóknum er m.a. tekið tillit til listræns gildis og mikilvægis verkefnis fyrir almenna tónlistarstarfsemi og eflingu íslenskrar tónlistar, gildi og mikilvægis verkefnis fyrir kynningu og markaðssetningu íslenskrar tónlistar, starfsferils, faglegs og/eða listræns bakgrunns umsækjanda og fjárhagsgrundvallar verkefnisins.

Umsóknum skal skila á þar til gerðum eyðublöðum sem fást í mennta- og menningarmálaráðuneyti eða á vef þess: www.menntamálaráðuneyti.is

Umsóknir skulu vera í þríriti og öll eintök undirrituð.

Umsóknarfrestur rennur út mánudaginn 7. maí 2012

Umsóknir skal senda á póstfangið: Mennta- og menningarmálaráðuneyti, tónlistarsjóður, Sölvhólsgötu 4, 150 Reykjavík.

Styrki �r �r�unarfj�rframlagi til hrossar�ktar. Ums�knarfrestur til 23. apr�l

Mon, 09 Apr 2012 10:09:00 +0100

Sjávarútvegs- og landbúnaðarráðuneytið auglýsir hér með eftir umsóknum um styrki úr þróunarfjárframlagi til hrossaræktar.

Markmið styrkveitinganna er að efla þróun og ræktun íslenska hestsins og fylgja þannig eftir árangri þeim er náðst hefur í aukinni fagmennsku í hrossarækt og þjálfun íslenska hestsins.

Styrkhæf eru hverskonar verkefni er lúta að:

A. Kynbótum hrossa, fóðrun þeirra eða meðferð.

B. Tamningum og þjálfun hrossa sem stuðla að auknum árangri og ávinningi.

C. Kynningar- og nýsköpunarstarfi.

Lögð er megin áhersla á að styrkja átaks- og nýsköpunarverkefni sem geta orðið sjálfbær eftir að þróunartímabili þeirra lýkur, útgáfu- og kynningarstarfsemi og hagnýtar rannsóknir. Samkvæmt fjárlögum ársins 2012 hefur sjóðurinn til ráðstöfunar 6 milljónir króna.

Umsóknir skulu berast ráðuneytinu fyrir 23. apríl 2012. Í umsóknum skal gerð skýr grein fyrir verkefninu sem í hlut á; markmiði þess, framkvæmdaáætlun og ætluðum ávinningi. Hverri umsókn skal fylgja greinargóð kostnaðaráætlun.

Sjá nánar hér

Póstfang:

Þróunarfjárnefnd hrossaræktarinnar

Sjávarútvegs- og landbúnaðarráðuneytinu

Skúlagötu 4

150 Rekjavík.

Einnig er hægt að senda umsóknina á postur@slr.stjr.is

Nánari upplýsingar veitir: Kristinn Hugason í síma 545 8300, tölvufang: kristinn.hugason@slr.stjr.is

N�r framkv�mdastj�ri Atvinnu�r�unarf�lags Su�urlands tekinn til starfa

Mon, 02 Apr 2012 16:16:00 +0100

Í dag 2. apríl tók Steingerður Hreinsdóttir við stöðu framkvæmdastjóra Atvinnuþróunarfélags Suðurlands (AÞS) af Sædísi Ívu Elíasdóttur, sjá nánar hér.

Steingerður hefur starfað hjá AÞS í á sjöunda ár sem verkefnisstjóri og ráðgjafi. Á sama tíma tekur hún við framkvæmdastjórastöðu Eignarhaldsfélags Suðurlands (EFS), en AÞS sér um daglegan rekstur EFS.

Steingerður lauk MBA námi í viðskiptastjórnun frá Háskólanum í Reykjavík árið 2005, er með M.Sc gráðu í Alþjóðaþróunarfræðum frá Háskólanum í Southamton og B.Sc. gráðu í Stjórnmálafræði frá sama skóla.

Steingerður er fædd árið 1970 á Hornafirði á 2 uppkomin börn og er í sambúð með Reyni Guðmundsyni og eru þau búsett á Selfossi.

Ráðningartími hennar er til loka árs 2012.

307. fundarger� stj�rnar Atvinnu�r�unarf�lags Su�urlands komin � neti�

Fri, 30 Mar 2012 13:56:00 +0100

307. fundurgerð stjórnar Atvinnuþróunarfélags Suðurlands er nú komin á netið sjá hér

�rsreikningur 2011 kominn � heimas��u f�lagsins

Thu, 29 Mar 2012 13:20:00 +0100

Ársreikningur AÞS fyrir árið 2011 er nú aðgengilegur ásamt fyrri ársreikningum félagsins á heimasíðu félagsins hérna

I�na�arr��herra � heims�kn � Su�urlandi. Fr�tt og myndir

Wed, 21 Mar 2012 13:20:00 +0100

Mánudaginn 19. mars s.l. fékk Atvinnuþróunarfélag Suðurlands Oddnýu G. Harðardóttur iðnaðarráðherra í heimsókn á svæðið ásamt Kristjáni Skarphéðinssyni ráðuneytisstjóra, Hönnu Dóru Másdóttur sérfræðingi og Kolbeini Marteinssyni aðstoðarmanni ráðherra. Í ferðinni skrifaði ráðherra undir viðbótarsamning við Vaxtarsamning Suðurlands og fékk kynningu á áhugaverðum samstarfs- og klasaverkefnum sem hlotið hafa styrk úr Vaxtarsamningnum.

Ráðherra ásamt föruneyti var kynnt fyrir nokkrum fyrirtækum í ferðinni og lá leiðin fyrst í Feng í Hveragerði þar sem unnið er að því að endurnýta timbur meðal annars til undirburðar í dýrastíur. Við endurvinnsluna er hrein orka, jarðgufa notuð við framleiðsluna. Þá er verið að búa til vöru úr endurvinnanlegu hráefni, með því að nýta timbur sem áður var að mestu urðað í jörðu eða notað til brennslu í stóriðju.

Næst lá leiðin í Matarsmiðjuna á Flúðum sem rekin er af Matís í samstarfi við sveitarfélögin í uppsveitum Árnessýslu, Atvinnuþróunarfélagið og Háskólafélag Suðurlands. Vilberg Tryggvason kynnti starfsemina, búnað hennar og hvaða verkefnum er unnið að.

Að lokum var komið við hjá þeim Knúti Ármann og Helenu Hermundsdóttur í Friðheimum í Reykholti en þar sinna menn jöfnum höndum ylrækt á tómötum, hestasýningum og ferðaþjónustu. Einnig kynnti Í lokin var boðið upp á gómsæta tómatsúpu úr glænýrri uppskeru. Sveinn Sæland garðyrkjubóndi í Espiflöt og formaður Sambands garðyrkjubænda fór vel yfir stöðu mála hjá garðyrkjubændum í stuttri framsögu. Ásborg Arnþórsdóttir ferðamálafulltrúi uppsveita Árnessýslu sagði frá áhugaverðum verkefnum á hennar starfssvæði og að lokum fluttu tveir ungir upprenandi gítarsnillingar tvö lög fyrir gesti.

Hópurinn fékk allstaðar góðar og hlýjar móttökur og ánægjulegt að sjá þau verkefni og fyrirtæki sem Vaxtarsamningur Suðurlands hefur stutt hafa blómstrað og dafnað vel.

Ráðherra og formaður stjórnar VSS undirrita samninginn

Sýnishorn af framleiðsluafurðum Fengs

Hópurinn í Matarsmiðjunni á Flúðum

Gítarleikararnir ungu

Í Friðheimum

A� loknum atvinnul�fsfundi � �rborg. Fr�tt og myndir

Wed, 21 Mar 2012 12:15:00 +0100

Það var nokkur fjöldi fólks sem gaf sér tíma til þess að ræða um styrkleika og veikleika í atvinnulífi í Árborg, þriðjudaginn 20 mars 2012, á Hótel Selfossi. Bæjarstjórn Árborgar bauð til fundarins og fékk Atvinnuþróunarfélag Suðurlands í lið með sér til þess að skipuleggja og stýra vinnunni sem fram fór á fundinum.

Fundurinn hófst á ávarpi Eyþórs Arnalds, formanns bæjarráðs. Þvínæst var tekið til starfa. Fólki var dreift um salinn og fengið það verkefni að draga fram styrkleika og veikleika í atvinnulífi Árborgar. Líflegar umræður sköpuðust og mörg atriði nefnd til sögunnar. Staðsetning Árborgar var oft nefnt til sögunnar sem styrkur, en að margra mati var helsti veikleikinn skortur á miðbæjarbrag.

Í lok fyrri umferðar kynnti hver hópur fyrir sig það helsta sem fram fór í samtölum þeirra og hvers vegna þau komust að þeirri niðurstöðu.

Að loknu kaffihléi var hópunum fengið nýtt verkefni sem reyndi aðeins meira á mannskapinn. Nú áttu þau að koma auga á tækifæri í atvinnumálum Árborgar út frá þeim styrkleika- og veikleikaþáttum sem áður var búið að draga fram. Jafnframt þurftu þau að benda á ógnanir sem steðja að atvinnulífinu. Til viðbótar þurftu hóparnir síðan að leggja til hvað ætti að gera til þess að grípa tækifærin eða mæta ógnununum. Þeir þurftu auk þess að leggja til hvenær þyrfti að grípa til aðgerða, hver ætti að framkvæma þær og hvers vegna.

Þegar hér var komið fór fólk að bretta upp ermar og spýta í lófana. Miklar umræður sköpuðust um málefnin og komu fram fjölmargar hugmyndir sem vel má nýta til þess að efla atvinnulíf Árborgar. Sem dæmi um tækifæri sem komið var auga á má nefna að skapa Árborg ákveðna ímynd sem notuð yrði til þess að draga að ferðamenn og íbúa. Á móti var bent á ógnun sem felst í einhæfum störfum og skorti á tækifærum fyrir menntaða einstaklinga.

Að loknum fundi var fólk almennt ánægt með að hafa fengið tækifæri til þess að koma að því að greina atvinnulífið í Árborg og leggja til hugmyndir sem gætu leitt til aukinna tækifæra og dregið úr ógnunum sem steðja að atvinnulífinu. Starfsmenn Atvinnuþróunarfélags Suðurlands tóku síðan niðurstöður fundarins og munu vinna úr þeim. Afraksturinn verður síðan kynntur fyrir bæjarstjórn Árborgar og íbúum sveitarfélagsins.

Myndirnar hér að neðan tók Magnús Hlynur hjá www.dfs.is

Atvinnu�r�unarf�lag Su�urlands - Styrkir til atvinnu�r�unar. Ums�knarfrestur til 20. apr�l

Tue, 20 Mar 2012 11:02:00 +0100

Atvinnuþróunarfélag Suðurlands auglýsir eftir umsóknum um styrki til atvinnuþróunar á starfssvæði sínu. Umsækjendur geta verið fyrirtæki, félög, stofnanir og einstaklingar með rekstur á Suðurlandi. Til ráðstöfunar að þessu sinni eru 5,0 mkr.

Í umsókninni þarf m.a. að koma fram stutt lýsing á verkefninu, ætluðum ávinningi þess ásamt kostnaðar-, fjármögnunar- og tímaáætlun. Reglur um styrkveitingar félagsins ásamt umsóknareyðublaði er að finna á heimasíðu félagsins www.sudur.is

Umsóknum skal skilað á rafrænu formi fyrir 20. apríl 2012.

Hlutverk Atvinnuþróunarfélags Suðurlands er m.a. að styðja við verkefni sem leiða til eflingar atvinnulífs á Suðurlandi. Til að rækta hlutverk sitt veitir félagið ráðgjöf og styrki til áhugaverðra verkefna.