Atvinnuþróunarfélag Suðurlands

 

 Á fundinn voru mætt:  Gunnar Örn Marteinsson, formaður, Unnur Þormóðsdóttir, Helgi Haraldsson og Páll Marvin Jónsson. Guðlaug Ósk Svansdóttir og Sigríður Þorgrímsdóttir, fulltrúi Byggðastofnunar boðuðu forföll. Einnig sat fundinn Sædís Íva Elíasdóttir, framkvæmdastjóri sem ritaði fundargerð.

 

 

Framkvæmdastjóri lagði fram samanburð á áætlun 2011 og rauntölum úr bókhaldi m.v. 31.10.2011 og gerði grein fyrir fjármálum félagsins. Staða á rekstri félagsins er í samræmi við áætlunina.

 

Framkvæmdastjóri kynnti minnisblað um verkefni starfsmanna í október.

 

Lagt fram bréf Skipulagsstofnunar þar sem Atvinnuþróunarfélaginu er gefinn kostur á að skipa fulltrúa á samráðsvettvang við gerð landsskipulagsstefnu. Stjórn samþykkir að Sædís Íva verði fulltrúi félagsins í samstarfshópnum.

 

Stjórn samþykkti að fundir stjórnar verði haldnir fyrsta mánudag í mánuði, annan hvern mánuð kl. 11.30. Í janúar verði fundurinn þó annan mánudag, þann 9. janúar.

 

Á ársþingi SASS var samþykkt eftirfarandi tillaga: „Allsherjarnefnd leggur til að stjórn SASS og stjórn AÞS verði falið að skipa starfshóp sem hafi það að markmiði að sameina SASS og AÞS. Fyrir er starfandi starfshópur um eflingu sveitarstjórnarstigsins á Suðurlandi og verði honum falið að vinna úr efni skýrslunnar.” Stjórn samþykkir að skipa Gunnar Örn, Unni og Guðlaugu Ósk í starfshópinn f.h. Atvinnuþróunarfélagsins.

 

Engin önnur mál borin upp.

 

 

Gunnar Örn Marteinsson   

Unnur Þormóðsdóttir

Helgi Haraldsson    

Páll Marvin Jónsson

Sædís Íva Elíasdóttir