Atvinnuþróunarfélag Suðurlands

  

Á fundinn voru mætt: Þorvaldur Guðmundsson, formaður, Gunnar Örn Marteinsson, Birna Borg Sigurgeirsdóttir og Guðbjörg Jónsdóttir, varamaður. Þorgils Torfi Jónsson og Elliði Vignisson boðuðu forföll. Einnig sat fundinn, Sædís Íva Elíasdóttir, framkvæmdastjóri AÞS sem skrifaði fundargerð og Einar Sveinbjörnsson, endurskoðandi KPMG, sem tók þátt í 1. dagskrárlið.

 

Einar Sveinbjörnsson, endurskoðandi, fór yfir ársreikning 2009.

Ársreikningurinn samþykktur samhljóða og undirritaður. Einar vék af fundi.

 

Framkvæmdastjóri fór yfir fjárhagsstöðu félagsins og lagði fram samanburð á áætlun 2010 og rauntölum 30.04.2010. Rekstrarkostnaður fyrstu fjögurra mánaða er innan marka áætlunarinnar.

 

Lagt fram minnisblað um verkefni starfsmanna fyrir mars og apríl. Góð umræða varð um verkefnin.

 

Bréf frá Birgi Þórissyni, framkvæmdastjóra Glæðis ehf. lagt fram til kynningar. Einnig lögð fram samantekt Hrafns Sævaldssonar, starfsmanns AÞS vegna vinnu félagsins fyrir Glæði.

 

Stjórn samþykkir að hefja endurskoðun á samþykktum félagsins þ.e. þeim greinum sem varða inngöngu og úrsögn sveitarfélaga, ásamt grein sem kveður á um greiðslu sveitarfélaganna til AÞS.

 

• Starfsmannamál.

Umræða varð um stöðugildi starfsmanns AÞS á Hellu. Samþykkt að taka málið formlega fyrir á næsta fundi.

 

 

Þorvaldur Guðmundsson

Gunnar Örn Marteinsson

Birna Borg Sigurgeirsdóttir

Guðbjörg Jónsdóttir

Sædís Íva Elíasdóttir