Atvinnuþróunarfélag Suðurlands

Þorvaldur Guðmundsson , formaður, setti fundinn og bauð fulltrúa velkomna.

 

Formaður tilnefndi þá Árna Þorvaldsson og Reyni Arnarson sem fundarstjóra og Hjalta Þór Vignisson sem fundarritara og var það samþykkt samhljóða.

 

Lögð var fram svohljóðandi tillaga stjórnar að kjörbréfa- og kjörnefnd:

 

Aðalmenn

Gunnar Þorgeirsson - Grímsnes- og Grafningshreppi

Aldís Hafsteinsdóttir - Hveragerðisbæ

Gunnlaugur Grettisson - Vestmannaeyjabæ

Ingvar Pétur Guðbjörnsson - Rangárþingi ytra

Gylfi Þorkelsson - Sveitarfélaginu Árborg

Jóna Sigurbjartsdóttir - Skaftárhreppi

Reynir Arnarson - Sveitarfélaginu Hornafirði

 

Varamenn

Margeir Ingólfsson - Bláskógabyggð

Páll Stefánsson - Sveitarfélaginu Ölfusi

Páll Scheving - Vestmannaeyjabæ

Kristín Aradóttir - Rangárþingi eystra

Margrét Katrín Erlingsdóttir - Sveitarfélaginu Árborg

Þórhildur Jónsdóttir - Mýrdalshreppi

 

Var tillagan samþykkt samhljóða og tók nefndin þegar til starfa.

 

Formaður flutti skýrslu þar sem gerð er grein fyrir þjónustu og styrkjum félagsins, fundum stjórnar, húsnæðismálum, rekstri og framtíð félagsins.

 

Framkvæmdastjóri flutti skýrslu og gerði grein fyrir starfsemi félagsins, starfsmannamálum, stefnu og hlutverki, styrkjum sem veittir hafa verið, samstarfssamningum við Vaxtarsamning Suðurlands og Vestmannaeyja og Eignarhaldsfélag Suðurlands hf. Þá gerði hún grein fyrir ráðgjöf og handleiðslu auk einstakra verkefna er lúta að atvinnuuppbyggingu, s.s um orkumál og Markaðsstofu Suðurlands. Þá kynnti framkvæmdastjóri nýja heimasíðu.

 

Gunnar Þorgeirsson, formaður kjörbréfa- og kjörnefndar kvaddi sér hljóðs og gerði grein fyrir kjörbréfum. Mættir eru 46 fulltrúar, 37 aðalfulltrúar og 9 varamenn. 8 voru fjarverandi. Fundurinn úrskurðast því lögmætur.

 

Einar Sveinbjörnsson, endurskoðandi, kynnti reikninga félagsins fyrir árið 2008.

 

Ragnheiður Hergeirsdóttir, formaður fjárhagsnefndar, kvaddi sér hljóðs og lagði til að ársreikningur 2007 sem og fjárhagáætlun 2010 yrðu samþykkt.

 

Fundarstjóri bar reikninga upp til atkvæða.

Samþykkt samhljóða.

 

i) Stjórn AÞS leggur til að samþykkt verði eftirfarandi bráðabirgðarákvæði við samþykktir felagsins:

 

Ákvæði til bráðabirgða samþykkt á aðalfundi 15. október 2009.

Þrátt fyrir ákvæði greinar 6.1 og ákvæði til bráðabirgða samþykkt á aukaaðalfundi 19. desember 2008 skulu Aðildarfélög AÞS að frátöldum Vestmannaeyjabæ ekki greiða árgjöld til AÞS á árinu 2010. Vestmannaeyjabær greiðir skv. fyrrgreindu bráðabirgðarákvæði 0,4% af útsvars og fasteignatekjum sínum. Jafnframt greiði Vestmannaeyjabær viðbótarframlag skv. grein 7.5.

 

Greinargerð:

Vegna erfiðra aðstæðna í rekstri sveitarfélaga leggur stjórn AÞS til að á árinu 2010 greiði aðildarsveitarfélögin ekki árgjöld til félagsins heldur verði gengið á eigið fé þess. Vestmannaeyjarbær á ekki hlutdeild í eigin fé félagsins og greiði því árgjald og viðbótarframlag til félagsins eins og áður hefur verið ákveðið.

 

Fundarstjóri gaf orðið laust.

Til máls tók: Ragnheiður Hergeirsdóttir.

Fundarstjóri bar tillögu upp til atkvæða.

Samþykkt samhljóða.

 

Framkvæmdastjóri kynnti fjárhagsáætlun fyrir árið 2010.

 

Fundarstjóri gaf orðið laust en engin kvaddi sér hljóðs.

Fundarstjóri bar fjárhagsáætlun upp til atkvæða.

Samþykkt samhljóða.

 

Engin.

 

Lögð fram eftirfarandi tillaga kjörnefndar:

 

Stjórn Atvinnuþróunarfélags Suðurlands

Þorvaldur Guðmundsson, formaður stjórnar - Sveitarfélaginu Árborg

Birna Borg Sigurgeirsdóttir - Sveitarfélaginu Ölfusi

Elliði Vignisson - Vestmannaeyjabæ

Gunnar Örn Marteinsson - Skeiða- og Gnúpverjahreppi

Þorgils Torfi Jónsson - Rangárþingi ytra

 

 

Varastjórn:

Róbert Hlöðversson - Hveragerðisbæ

Guðbjörg Jóndóttir - Flóahreppi

Páley Borgþórsdóttir - Vestmannaeyjabæ

Sveinn Pálsson - Mýrdalshreppi

Þórunn Jóna Hauksdóttir - Sveitarfélaginu Árborg

 

Samþykkt samhljóða.

 

Kosning skoðunarmanna ársreikninga og varamanna þeirra

 

Skoðunarmenn

Aðalmenn

Elín Einarsdóttir Mýrdalshreppi

Margrét Sigurðardóttir Flóahreppi

 

Varamenn

Herdís Þórðardóttir Hveragerðisbæ

Jón Valgeirsson Grímsnes- og Grafningshreppi

 

 

Þorvaldur Guðmundsson, formaður stjórnar, þakkaði traustið og sleit fundi kl. 12.00