Atvinnuþróunarfélag Suðurlands

 

Á fundinn voru mætt: Þorvaldur Guðmundsson, formaður, Gunnar Örn Marteinsson, Birna Borg Sigurgeirsdóttir og Þorgils Torfi Jónsson. Elliði Vignisson tók þátt í fundinum í gegn um fjarfundabúnað. Sigríður Þorgrímsdóttir, fulltrúi Byggðastofnunar boðaði forföll. Einnig sat fundinn, Sædís Íva Elíasdóttir, framkvæmdastjóri AÞS sem skrifaði fundargerð og Einar Sveinbjörnsson, endurskoðandi sem tók þátt í lið eitt á dagskránni en vék að því loknu af fundi.
 

Fyrir fundinn hitti stjórn fulltrúa bæjarstjórnar Árborgar og fór í skoðunarferð um sveitarfélagið.
 

Einar Sveinbjörnsson, endurskoðandi fór yfir ársreikning 2008. Reikningurinn samþykktur samhljóða.

 

Framkvæmdastjóri AÞS fór yfir fjárhagsstöðu félagsins.

 

Framkvæmdastjóri lagði fram minnisblað um verkefni starfsmanna og gerði grein fyrir helstu verkefnum. Umræða fór fram um þau. Stjórnin þakkar fyrir framlagt minnisblað.

 

Framkvæmdastjóri lagði fram minnisblað vegna húsnæðismála. Stjórn samþykkir að ekki verði gerðar frekari breytingar á húsnæðisfyrirkomulagi félagsins að svo komnu máli.

 

a) Starfsmannamál

Í ljósi þeirra stöðu sem uppi er í atvinnumálum á Suðurlandi og mikilla verkefna Atvinnuþróunarfélagsins telur stjórn nauðsynlegt að ráðinn verði 5. verkefnastjórinn til Atvinnuþróunarfélagsins.

Stjórn samþykkti samhljóða að ráðinn verði 5. verkefnastjóri Atvinnuþróunarfélagsins, til eins árs. Verkefnastjórinn verði staðsettur á Hellu og leitað verði samninga við Verkalýðshúsið Hellu um húsnæði fyrir hann á grundvelli tilboðs frá þeim. Einnig samþykkt að sækja um framlag frá Byggðastofnun sbr. greiðslur fyrir önnur stöðugildi hjá Atvinnuþróunarfélaginu. Framkvæmdastjóra falið að auglýsa stöðuna og sækja um til Byggðastofnunar.

 

 

 

Þorvaldur Guðmundsson

Gunnar Örn Marteinsson

Þorgils Torfi Jónsson

Birna Borg Sigurgeirsdóttir

ElliðiVignisson

Sædís Íva Elíasdóttir