Atvinnuþróunarfélag Suðurlands

 

 

 

Á fundinn voru mætt: Þorvaldur Guðmundsson, formaður, Þorgils Torfi Jónsson, Birna Borg Sigurgeirsdóttir og Gunnar Örn Marteinsson. Elliði Vignisson ætlaði að taka þátt í fundinum í gegnum fjarfundabúnað frá Vestmannaeyjum en búnaðurinn var bilaður svo það reyndist ekki hægt. Einnig sat fundinn Sædís Íva Elíasdóttir, framkvæmdastjóri AÞS sem skrifaði fundargerð.

 

Formaður stjórnar bauð fundarmenn velkomna, setti fundinn og gekk til dagskrár:

 

 

 

 

Framkvæmdastjóri AÞS fór yfir fjárhagsstöðu félagsins.

 

 

 

 

Á aðalfundi AÞS sem haldinn var 20 nóvember 2008 á Hvolsvelli var samþykkt eftirfarandi tillaga: „Lagt er til að haldinn verði aukaaðalfundur AÞS svo fljótt sem verða má til að breyta samþykktum AÞS, gr. 6.1 þannig að framlög sveitarfélaga verði lækkuð frá því sem nú er.“

 

 

Stjórn samþykkir að boða aukaaðalfund föstudaginn 19. desember.

 

 

Stjórn samþykkti að leggja fram eftirfarandi tillögu um ákvæði til bráðabirgða við grein 6.1. „Aðildarsveitarfélög AÞS skulu verja 0,4% af útsvars- og fasteignatekjum sínum til AÞS á árunum 2009 og 2010.“

 

 

Stjórn leggur til eftirfarandi breytingar á samþykktum AÞS:

 

 

Grein 5.3

 

Stjórn félagsins ræður framkvæmdastjóra, markar starfssvið hans og launakjör og gerir við hann skriflegan ráðningarsamning. Aðra starfsmenn ræður framkvæmdastjóri AÞS og leitar staðfestingu stjórnar. Heimild stjórnar AÞS þarf að liggja fyrir ef um fjölgun stöðugilda er að ræða. Um starfskjör starfsmanna AÞS fer samkvæmt ákvæðum kjarasamninga og ráðningarsamnings.

 

 

Grein 5.6

 

Starfsmannastefna sem snýr að fagsviði AÞS skal unnin og staðfest af stjórn félagsins telji hún þörf á slíkri stefnu. Framkvæmdastjóri AÞS ber ábyrgð á að starfsmanna- og launastefnu verði fylgt.

 

 

 

 

Stjórn samþykkir að setja upp fundarskipulag m.v. 9 stjórnarfundi á árinu 2009 sem haldnir skulu 1. miðvikudag í mánuði. Stefnt skal að því að heimsækja aðildarsveitarfélögin eins og verið hefur. Framkvæmdastjóri mun senda stjórn tillögu að skipulagi.

 

 

 

a ) Bréf frá Tún vottunarstofu þar sem gerð er gein fyrir ákvörðun stjórnarfundar Túns ehf. sem haldinn var 14. nóvember sl. um að hækka hlutafé Túns ehf. á árinu 2008 um minnst 900.000.- og mest um 5.125.000.- Hluthafar eiga forgangsrétt að hlutum í samræmi við núverandi hlutafjáreign sína þar til áskriftafrestur rennur út, 10. desember n.k. Stjórn samþykkir að falla frá forkaupsrétti.

 

b ) Framkvæmdastjóri lagði fram hugmyndir að útfærslu á átaksverkefni í Ölfusi sbr. samþykktir síðasta fundar. Stjórn samþykkti fram lagðar tillögur og felur framkvæmdastjóra að vinna áfram að málinu

 

 

 

 

Þorvaldur Guðmundsson

Birna Borg Sigurgeirsdóttir

Þorgils Torfi Jónsson

Gunnar Örn Marteinsson

Sædís Íva Elíasdóttir