Atvinnuþróunarfélag Suðurlands - Fréttir

 

 

Ísland allt árið er þriggja ára verkefni sem ætlað er að styðja við lengingu ferðamannatímabilsins á Íslandi. Landsbankinn og iðnaðarráðuneytið hafa komið á fót þróunarsjóði til þess að styðja við átakið meðal annars með því að auka hæfni fyrirtækja tengdum ferðaþjónustu til að skapa upplifanir utan hefðbundins ferðamannatíma. Heildarframlag stofnenda sjóðsins á þessu ári og því næsta verður 70 milljónir króna.

 

Landsbankinn og Nýsköpunarmiðstöð f.h iðnaðarráðuneytis í samstarfi við aðra hagsmunaaðila halda opna kynningarfundi um land allt 21. til 24. nóvember næstkomandi.

 

Kynningarfundir verða allir haldnir frá kl. 12:30 - 13:30 á eftirfarandi dagsetningum og stöðum:

 

• 21. nóv: Egilsstaðir - Hótel Hérað

• 22. nóv: Akureyri - Borgir við Norðurslóð (anddyri)

• 22. nóv: Akranes - Gamla kaupfélagið

• 23. nóv: Reykjavík - Grand Hótel

• 24. nóv: Selfoss - Hótel Selfoss

• 24. nóv: Ísafjörður - Þróunarsetur Vestfjarða

 

Við hvetjum alla til þess að mæta og kynna sér sjóðinn nánar.