Atvinnuþróunarfélag Suðurlands - Fréttir

 

Dagssetning: miðvikudaginn, 26.10.2011

 

Staður: Sveitahótelið Smyrlabjörg í Suðursveit

 

Viðburður: Ráðstefna: Sjálfbærni í staðbundinni matvælaframleiðslu og ferðaþjónustu

 

 

Viltu taka þátt í að móta leiðir til að auka veg staðbundinna matvæla?

 

Skráning fer fram hér

 

 

• Hvernig getur staðbundin matvælaframleiðsla stuðlað að sjálfbærni í ferðaþjónustu?

 

• Hvernig skal staðið að markaðssetningu staðbundinna matvæla, hvaða kröfur skal setja?

 

• Er til mælikvarði fyrir vottun á sjálfbærni sem frumkvöðlar geta unnið að?

 

• Hvernig á mælikvarði fyrir vottun á sjálfbærni að vera?

 

 

• Upprunamerkingar og markaðssetning svæðisbundinna matvæla

 

• Staðbundin sjálfbærni og samstarf einstaklinga, fyrirtækja og opinbera aðila

 

Vinnuhópar skila inn greinargerð um stöðu mála í dag og tillögum að betrumbótum.

 

 

Þátttaka á ráðstefnuna er ókeypis. Þátttakendur fá sérstakt tilboð í gistingu og kvöldverð á Smyrlabjörgum. Gisting með morgunverð kr. 5.500 - kvöldverður kr. 2.800. Rútuferð í boði frá flugvellinum á Hornafirði að Smyrlabjörgum fyrir þá sem koma með flugi (40 mín).

 

Málþingið er liður í verkefninu Matur og sjálfbær ferðþjónusta sem er eitt af öndvegisverkefnum RANNÍS. Verkefnishópinn skipa Matís, Nýsköpunarmiðstöð Íslands, Atvinnuþróunarfélag Suðurlands, Þróunarfélag Austurlands, Samtök sveitarfélaga á Vesturlandi, Rannsóknarsetur HÍ á Hornafirði og Háskóli Íslands.

 

Nánari upplýsingar um ráðstefnuna ásamt dagskrá er að finna á: www.matis.is og www.nmi.is

 

 

Taktu þátt í mótun sjálfbærra leiða í staðbundinni matvælaframleiðslu og ferðaþjónustu!

 

 

 

• Hvað er sjálfbærni? Svæðisbundin sjálfbærni á Íslandi, hvað hefur verið gert á Íslandi og hverju hefur það skilað? Getum við lært af dæmum erlendis frá? Hver er núverandi stefna yfirvalda?

Stefán Gíslason, umhverfisstjórnunarfræðingur, Environice.

 

• Matur og sjálfbær ferðaþjónusta: Mælingar á sjálfbærni - niðurstöður tilraunaverkefnis kynntar. Dr. Þorvarður Árnason, forstöðumaður, Rannsóknarsetur Háskóla Íslands á Hornafirði

 

• Svæðisbundin sérstaða út frá sögulegum, menningarlegum og listrænum sjónarhóli, vörueiginleikar og hönnun. Reynsla úr verkefninu Stefnumót við bændur. - fyrirlesari óstaðfestur

 

• Svæðisbundnar/staðbundnar merkingar - staðan í dag, framtíðarsýn. Laufey Haraldsdóttir, lektor, Hólaskóli háskólinn á Hólum.

 

• Viðhorf notenda/grasrót - stuttar kynningar frá nokkrum aðilum um starfsemi sína og reynslu þ.á.m. Erlendur Pálsson frá Sólheimum, Laufey Helgadóttir á Smyrlabjörgum og Fanney Björg Sveinsdóttir Heimamarkaðsbúðin Höfn.

 

 

• Sjálfbær framtíð - Framtíðarsýn fyrir Ísland. Kynning á Samleiðniverkefninu (Converge). Dr. Kristín Vala Ragnarsdóttir, forseti Verkfræði- og náttúruvísindasviðs Háskóla Íslands

 

•Slow food

 

•Sjálfbærni í ferðaþjónustu - Vakinn- Ferðamálastofa

 

•Frá stoðkerfi í iðnaðinn. Sjónarhóll á staðbundin matvæli og sjálfbærni. Guðmundur Heiðar Gunnarsson, Skinney-Þinganes

 

 

 

Rýnihópar fjalla um málefni fyrri dags. Nánari dagskrá síðar.

 

 

Í verkefninu Matur og sjálfbær ferðaþjónusta er unnið að því að byggja upp staðbundna matvælaframleiðslu á ólíkum svæðum á Vestur-, Suður- og Austurlandi til að stuðla að aukinni sjálfbærni í ferðaþjónustu. Reynslan úr verkefninu verður síðan nýtt til að yfirfæra yfir á önnur svæði á landinu. Með átaki um aukna nýsköpun og framleiðslu verður unnið markvisst að því að auka framboð og eftirspurn eftir staðbundnum matvælum innan ferðaþjónustunnar á hverju svæði. Lögð verður áhersla að veltan skili sér betur til viðkomandi samfélaga, þar sem dregið er úr hagrænum leka vegna aðflutnings matvæla inn á svæðin. Þannig er hagræn sjálfbærni ferðaþjónustunnar aukin til muna. Með nálguninni er horft til nýrra atvinnutækifæra í smáframleiðslu matvæla. Eins er lagt upp úr þverfaglegu og dýnamísku samstarfi hagsmunahópa sem hafa nú þegar verið stofnaðir á öllum svæðunum og teymis sérfræðinga frá háskólum og rannsóknastofnunum. Þetta er gert til að vega á móti takmörkuðum aðgangi að sérhæfðri þekkingu í vöruþróun/hönnun matvæla á svæðunum. Með þessu er samfélagsleg sjálfbærni svæðanna aukin til muna sem styrkja mun enn frekar ferðaþjónustu á svæðinu með nýjum tækifærum í sölu á afurðum sem veita ferðamanninum tækifæri að upplifa land og þjóð í gegnum staðbundin matvæli og skapandi iðnað. Ekki er síður mikilvægt að benda á aukin lífsgæði íbúa á svæðunum sem nú búa jafnvel við takmarkað aðgengi að ferskum og heilnæmum matvælum. Með aukinni vinnslu afurðar innan svæðanna eykst umhverfisleg sjálfbærni einnig verulega. Þannig styttast allar flutningsleiðir mikið sem dregur úr sótsporum ("food milage") matvæla bæði á svæðinu í heild sinni og innan ferðaþjónustu. Enn fremur dregur einföldun á dreifingu úr sóun í ferlinu. Smáframleiðsla afurða byggir á forsendum sjálfbærrar þróunar þar sem lagt er upp úr takmarkaðri framleiðslu á grænan hátt. Verðmæti slíkrar framleiðslu byggir í dag á því að líta á neytandann sem meðframleiðanda. Varan er því háð því að uppfylla væntingar neytandans um heilnæmi og góða framleiðsluhætti.