Atvinnuþróunarfélag Suðurlands - Fréttir

Samfélagssjóður Landsbankans hefur það hlutverk að veita styrki til verðugra verkefna. Veittir verða ferns konar styrkir á hverju ári: námsstyrkir, samfélagsstyrkir, nýsköpunar- og sprotastyrkir og umhverfisstyrkir. Dómnefndir eru skipaðar fagfólki á hverju sviði.

Beinn stuðningur við samfélagið er liður í stefnu bankans um samfélagslega ábyrgð. Stuðningur úr samfélagssjóði kemur til viðbótar við fjölbreytt samstarfsverkefni bankans á sviði mannúðarmála, menningar og íþrótta um land allt.

Námsstyrkir

Fyrsta úthlutun úr Samfélagssjóði var 3. júní sl. en þá hlutu sextán framúrskarandi námsmenn námsstyrki frá Landsbankanum. Námsstyrkir voru auglýstir í mars og bárust um 1.000 umsóknir.

Í dómnefnd sátu þrír fulltrúar frá bankanum en þrír fagaðilar utan bankans.

• Nánar um námsstyrki
• Frétt um úthlutun námsstyrkja

Samfélagsstyrkir

Samfélagssjóður mun veita 35 samfélagsstyrki til mannúðar-, menningar- og menntamála samtals að upphæð 15.000.000 kr. Umsóknarfrestur hefur verið lengdur til og með 1. október 2011. Skipting styrkja er með eftirfarandi hætti en getur breyst í meðförum dómnefndar.

• 5 styrkir að upphæð 1.000.000 kr. hver.
• 10 styrkir að upphæð 500.000 kr. hver
• 20 styrkir að upphæð 250.000 kr. hver.

Verkefni sem einkum koma til greina eru:

• verkefni mannúðarsamtaka og líknarfélaga
• verkefni á sviði menningar og lista
• menntamál, rannsóknir og vísindi
• forvarnar- og æskulýðsstarf
• sértæk útgáfustarfsemi

Forsendur

• Allir sem sækja um verða að gera grein fyrir verkefninu á sérstöku umsóknarblaði.
• Umsækjendur verða að leggja fram lýsingu á því hvernig styrk verði varið.
• Almennt verða verkefni ekki styrkt sem eru ætluð á almennan markað eða fela í sér hagnaðarvon.
• Hægt er að óska eftir stuttri lokaskýrslu um nýtingu á fjárstyrk.
• Farið verður með allar umsóknir sem trúnaðarmál.
• Úthlutun verður kynnt opinberlega í september eða október.

Sækja um

• Sækja verður um styrkina sérstaklega og senda umsókn merkt: Samfélagsstyrkir, Landsbankinn, Austurstræti 11, 155 Reykjavík.
• Nauðsynlegt er að fylla út sérstakt umsóknarblað og láta það fylgja fremst með öðrum gögnum.
• Umsækjendur eru hvattir til að senda öll þau gögn sem geta komið að gagni við mat á umsóknum.

Umsóknareyðublað

Umsóknarfrestur

Umsóknarfrestur vegna samfélagsstyrkja hefur verið framlengdur til og með 1. október 2011 (póststimpill gildir).