Atvinnuþróunarfélag Suðurlands - Fréttir

 

Í mars 2011 auglýsti Vaxtarsamningur Suðurlands eftir umsóknum vegna styrkja til uppbyggingar klasa og framgang rannsóknar og þróunar á sviði matvæla, ferðaþjónustu og iðnaðar á Suðurland.

 

Starfsvæði Vaxtarsamnings Suðurlands markast af Hellisheiði í vestri og eystri mörkum Sveitarfélagsins Hornafjörður.

 

Óskað var eftir umsóknum frá klösum og/eða samstarfsverkefnum sem tengjast nýsköpun með skýrri verðmætasköpun. Gerð var krafa til þess að verkefnin myndu styðja atvinnulíf og samfélag á Suðurlandi.

 

Í boði voru 20 milljónir. Mótframlag verkefnisins þurfti að vera 50% hið minnsta. Verkefni þar sem fyrirtæki, rannsóknar – þróunar og háskólastofnanir vinna saman nutu alla jafna forgangs. Að auki var horft til þess að verkefnin myndu skila ábata og störfum út í samfélagið á verkefnatímanum.

 

Í umsókn þurfti að koma fram lýsing á verkefninu, skýr útlistun á nýnæmi hugmyndarinnar og ætluðum ávinningi ásamt kostnaðar- fjármögnunar- og tímaáætlun. Ekki er veittur styrkur til fjárfestinga.

 

Rafræn umsóknareyðublöð og úthlutunarreglur má finna á vef Atvinnuþróunarfélags Suðurlands www.sudur.is

 

Umsóknafrestur var til og með 11. október 2010

 

Alls bárust 10 umsóknir og var heildarupphæð styrkbeiðna tæplega 40 mkr.

 

Á fundi verkefnisstjórnar samningsins þann 18. apríl 2011, var tekin ákvörðun um að styrkja 6 verkefni af þeim 17 sem sent höfðu inn umsókn. Heildarupphæð úthlutaðra styrkja var 14.300.000 kr.

 

Eftirtalin verkefni hlutu styrk:

 

1) Þróun á þurrfóðri og fóðrurum fyrir japönsk sæbjúgu: 5.000.000 kr.

 

2) Uppbygging ferðaþjónustu í Þorlákshöfn: 800.000 kr.

 

3) Mýrdalurinn í sókn: 2.000.000 kr.

 

4) Þekkingarsetur á Kirkjubæjarklaustri: 1.500.000 kr.

 

5) Áfangastaðurinn Vestmannaeyjar:  4.000.000 kr.

 

6) Menningarleg fjársjóðsleit: 1.000.000 kr.