Atvinnuþróunarfélag Suðurlands - Fréttir

 

Í gær, miðvikudaginn 30. mars var haldinn fundur á Hótel Heklu sem bar yfirskriftina tækifæri í fiskeldi á Suðurlandi. Fundurinn er hluti af 10 funda röð Atvinnuþróunarfélags Suðurlands (AÞS) um tækifæri í ýmsum atvinnuvegum á Suðurlandi. Samstarfsaðilar AÞS á fundinum voru Landsamband fiskeldisstöðva og Sjávarútvegsþjónustan.

 

Góð þátttaka var á fundinum, en 35 manns mættu á fundinn. Fundarefnið var almenn umfjöllun um fiskeldi – sagan og tölurnar, möguleikar í rekstri fiskeldisfyrirtækja á Suðurlandi, nám / þekking , stuðningur og stoðkerfið, aðstæður á Suðurlandi, styrkir, sjóðir, aðgengi að seiðum, umhverfismat, hönnun og skipulag fiskeldisstöðva, fiskeldisklasar og ýmsir samstarfsmöguleikar.

 

Framsögumenn á fundinum voru þeir Guðbergur Rúnarsson, framkvæmdastjóri Landssamtaka fiskeldisstöðva og Valdimar Ingi Gunnarsson, sjávarútvegsfræðingur hjá Sjávarútvegsþjónustunni og fluttur þeir mjög áhugaverð erindi um fiskeldi, mikil áhersla var á bleikjueldi í erindum þeirra. Töldu þeir bleikjueldi henta mjög vel sunnlenskum aðstæðum.

 

Erindi Guðbergs má finna hér & erindi Valdimars má finna hér

 

Í lok fundarins sköpuðust góðar umræður um undirbúning að stofnun klasa fyrirtækja í fiskeldi á Suðurlandi. AÞS mun í framhaldinu kanna möguleika og grundvöll klasasamstarfs meðal áhugasamra aðila og leiða þá vinnu í upphafi. Áhugasamir aðilar geta haft samband við Hrafn Sævaldsson, ráðgjafa og verkefnisstjóra, hjá AÞS hrafn@sudur.is varðandi málið.

 

 

Mynd: Valdimar Ingi Gunnarsson

Smellið á mynd til að stækka