Atvinnuþróunarfélag Suðurlands - Fréttir

 

Auglýst hefur verið eftir umsóknum í styrki frá NATA, North Atlantic Tourist Association. Um er að ræða samning Íslands, Færeyja og Grænlands um samstarf landanna þriggja í ferðamálum.

 

 

Allir sem áhuga hafa á bættum samskiptum á sviði ferðamála milli landanna þriggja geta leitað eftir aðstoð við að fjármagna verkefni, hugmyndir, ferðir eða því um líkt. Umsóknir skulu fela í sér samstarf milli tveggja af löndunum þremur hið minnsta.

 

Sækja má um aðstoð á eftirfarandi sviðum:

 

Siglingar, þemaferðir, stuttar heimsóknir (shortbreak) o.s.frv.

 

Alþjóðleg átaksverkefni á sviði ferðaþjónustu.

 

Faglegar námsferðir, menntun á sviði ferðamála,

dvöl til að kynna sér aðstæður.

 

Allar umsóknir skulu vera á þar til gerðum eyðublöðum. Sem fylgiskjöl með umsókninni skal leggja fram nákvæma útlistun á verkefni, svo og fjárhagsáætlun. Umsóknir skulu vera á dönsku eða

ensku og sendast til:

 

NATA c/o

Ferðamálastofa

Geirsgata 9,

101 Reykjavík

 

 

Umsóknareyðublað:

 

-Hægrismellið á tenglana hér fyrir neðan og veljið "Save Target As" til að vista umsóknareyðublöðin á eigin tölvu.

 

• Umsóknareyðublað á ensku (Word)

• Umdóknareyðublað á dönsku (Word)

 

Fyrirspurnir varðandi vinnslu umsóknar sendist til:

 

NATA er samstarfssamningur ferðamálaráðuneyta í Færeyjum, á Grænlandi og á Íslandi. Markmið samningsins er að auka skilvirkni í samstarfi aðila er sinna ferðamálum í Færeyjum, á Grænlandi og á Íslandi með því að styrkja, samhæfa og tryggja framboð samvinnuverkefna aðildarlandanna á þeim sviðum ferðamála þar sem þau eiga einkum sameiginlegra hagsmuna að gæta.