Þjónusta félagsins >>
Styrkir >>
Starfsfólk >>
Fundargerðir >>
Tengdir vefir >>
Kynningarmál >>
Vaxtarsamningur Suðurlands - Styrkir til eflingar nýsköpunar og samkeppnishæfni atvinnulífsins á Suðurlandi
08. apríl 2010
Vaxtarsamningur Suðurlands auglýsir eftir umsóknum um styrk til uppbyggingar klasa og framgang rannsóknar og þróunar á sviði matvæla, ferðaþjónustu og iðnaðar á Suðurlandi. Starfsvæði Vaxtarsamnings Suðurlands markast af Hellisheiði í vestri og eystri mörkum Sveitarfélagsins Hornafjörður.
Óskað er eftir umsóknum frá klösum eða/og samstarfsverkefnum sem tengjast nýsköpun með skýrri verðmætasköpun. Gerð er krafa til þess að verkefnin styðji atvinnulíf og samfélag á Suðurlandi.
Í boði eru 20 milljónir. Mótframlag verkefnisins þarf að vera 50% hið minnsta. Verkefni þar sem fyrirtæki, rannsóknar – þróunar og háskólastofnanir vinna saman njóta alla jafna forgangs. Að auki verður horft til þess að verkefnin skili ábata og störfum út í samfélagið á verkefnatímanum.
Í umsókninni á að koma fram lýsing á verkefninu, skýr útlistun á nýnæmi hugmyndarinnar og ætluðum ávinningi ásamt kostnaðar- fjármögnunar- og tímaáætlun. Ekki er veittur styrkur til fjárfestinga.
Rafræn umsóknareyðublöð og úthlutunarreglur má finna á vef Atvinnuþróunarfélags Suðurlands www.sudur.is
Sérstaklega er bent á að hægt er að vista umsóknareyðublöð meðan þau eru í vinnslu. Einungis er tekið við umsóknum í gegnum heimasíðu félagsins.
Umsóknafrestur er til og með 10. maí 2010
Móttaka umsókna
Einungis er tekið við umsóknum sem sendar eru í gegnum heimasíðu félagsins hér að neðan.
Ef væntanlegir umsækjendur lenda í vandræðum með að fylla inn í umsóknarformið er hægt að hafa samband við starfsfólk félagsins og mun starfsfólkið þá veita alla mögulega aðstoð.
Upplýsingar eru veittar hjá Atvinnuþróunarfélagi Suðurlands www.sudur.is í síma 4812961 (Vestmannaeyjar), 4874822 (Hella) og 4808210 (Selfoss)
Smelltu hér til að fylla inn í rafræna umsókn
